News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.09
Տեսնել լրահոսը


Երեւան քաղաքի ընդհանուր իրավասության դատարանում՝ դատավոր Հարությունյան Մանուկյանի նախագահությամբ այսօր՝ մայիսի 21-ին, մեկնարկեց նախկին փոխոստիկանապետ Լեւոն Երանոսյանի գործով առաջին դատական նիստը։

Լեւոն Երանոսյանը մինչեւ դատական նիստը լրագրողներին փոխանցեց գրավոր հայտարարություն, որում նշված է, որ ինքը մեղադրանքը չի ընդունում։

Դատական նիստի սկզբում Լեւոն Երանոսյանի պաշտպան Տիգրան Սաֆարյանը միջնորդեց ՀՀ վարչապետ Նիկոլ Փաշինյանին եւ ոստիկանապետ Վալերի Օսիպյանին, Սյունիքի մարզպետ Հունան Պողոսյանի քրեական գործով որպես վկաներ հարցաքննելու առնչությամբ։

«Վկայակոչված ոստիկանության երկու բարձրաստիճան պաշտոնյաները դեպքի ժամանակ գտնվել են դեպքի վայրում եւ ականատես են եղել գործողություններին, որոն կապակցությամբ մեղադրանք է առաջադրվել Լեւոն Երանոսյանին։ Նիկոլ Փաշինյանը եւս ներկա է գտնվել այնտեղ եւ տիրապետում է տեղեկության, որը սույն գործքի դատաքննության ժամանակ անհրաժեշտ է պարզաբանել։

Մեղադրող դատախազ Արմեն Շահբազյանը առարկեց միջնորդության դեմ՝ նշելով, որ չի նշել որեւէ պատճառաբանություն, թե ինչ կարեւոր տեղեկություն պետք է վկաները հայտնեն գործի վերաբերալ, ուստի գտնում է, որ ներկայացված միջնորդությունը ենթակա է մերժման:

Տուժող կողմի համար ևս հասկանալի չէր, թե ինչ տեղեկություն պետք է հայտնեն Նիկոլ Փաշինյանը, Վալերի Օսիպյանը եւ Հունան Պողոսյանը: Տուժող Զավեն Գրիգորյանի ներկայացուցիչ Տիգրան Եգորյանը նշեց, որ հասկանալի չէ, թե ինչ փաստի, փաստերի հանգամանքների վերաբերյալ պետք է ցուցմունք տան նրան:

Դատարանը որոշեց նշված միջնորդության քննարկումը հետաձգել եւ դրան անդրադառնալ դատաքննության արդյունքում:

Համաձայն մեղադրական եզրակացության՝ Լևոն Երանոսյանը հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ առաջացրել են ծանր հետևանքներ։

Երանոսյանին մեղադրանք է առաջադրվել ՀՀ ՔՕ 309 հոդվածի 1-ին մասի 2-րդ եւ 3-րդ կետերով և նրա նկատմամբ, որպես խափանման միջոց է ընտրվել չհեռանալու մասին ստորագրությունը։

 Երանոսյանին վերագրվող գործողությունները տեղի են ունեցել 2018 թվականի ապրիլի 16-ի և ապրիլի 22-ի բողոքի զանգվածային ակցիաների ժամանակ։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանա-ադրբեջանական սահմանին թմրանյութ տեղափոխողը սառը զենքով վիրավորել է սահմանապահին
Միջադեպը տեղի է ունեցել հոկտեմբերի 12-ի ցերեկը...
ՀՀ դատախազությունը նախաձեռնում է հանցավորության դեմ պայքարի ռազմավարության մշակման գործընթաց
Պայմանավորված վերոնշյալով՝ ՀՀ գլխավոր դատախազությունը նախաձեռնել է Հայաստանի Հանրապետությունում հանցավորության դեմ պայքարի...
Խոշոր հրդեհ Մեղվահովիտում. այրվել է մոտ 4000 հակ անասնակեր
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ…
Վանաձորում զինված միջադեպի գործով հայտնաբերվել է ենթադրյալ հանցագործներից եւս մեկը. վերջինս կալանավորվել է
Նախաքննության ընթացքում կատարված անհրաժեշտ քննչական գործողությունների, ինչպես նաեւ օպերատիվ-հետախուզական միջոցառումների արդյունքում...
Նոր մանրամասներ Գեղանիստում կատարված սպանությունից. Կրակոցներից հետո իջել է մեքենայից եւ նորից է կրակել
Կասկածյալը ձերբակալվել է...
«Լուսակերտ» թռչնաֆաբրիկայի մոտ բախվել են «Hyundai Sonata»-ն եւ «Mercedes C180»-ը. կա վիրավոր
Մինչ փրկարարների՝ կանչի վայր հասնելը Հովհաննես Հ.-ն հոսպիտալացվել է Աբովյանի ԲԿ, որտեղ…
Ամենաշատ