News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.08
Տեսնել լրահոսը

Թուրքիան իր նավահանգիստները փակել է իրանական նավթի համար՝ ամբողջությամբ հետեւելով ԱՄՆ պատժամիջոցներին, չնայած Վաշինգտոնի գործողությունների հետ կապված Անկարայի հրապարակային քննադատությանը:

Իրանական նավթի դեմ ամբողջական կրկնակի պատժամիջոցներ մտցնելու ԱՄՆ որոշումը դադարեցրեց Թուրքիայի եւ 7 այլ խոշոր ներմուծողների համար վեցամսյա հետաձգումը: Ամերիկյան միջոցներին լիարժեք հետեւելը Թուրքիային թույլ կտա խուսափել ԱՄՆ պատժամիջոցներից:

Reuters-ի աղբյուրի համաձայն՝ թուրքական Tupras ամենախոշոր նավթավերամշակման գործարանը պնդում էր, որպեսզի Վաշինգտոնը իրանական նավթի ներմուծման թույլտվության գործողության ժամկետը երկարացներ:

Հետաձգումը ԱՄՆ կողմից չեղարկելուց 4 օր հետո 130 հազար տոննա իրանական նավթ տեղափոխող լցանավը, գտնվելով Միջերկրական ծովով Թուրքիա հասնելու կես ճանապարհին, կուրսը փոխել է եւ իր ուղղությունը շեղել, հայտնել է Refinitiv-ի նավթի հարցերով վերլուծաբան Էհսան ուլ Հաքը: Վկայակոչելով արբանյակային լուսանկարները՝ վերլուծաբաններն ասում են, որ նավթն ավելի շուտ բեռնաթափվել է սիրիական Բանիաս նավահանգստում:

Տվյալները ցույց են տալիս, որ Թուրքիան իրանական նավթի իր ներմուծումը սկսել է կրճատել դեռեւս մարտին՝ նախապատվություն տալով Իրաքից, Ռուսաստանից եւ Ղազախստանից մատակարարներին:

Թուրքիայի նախագահ Թայիփ Էրդողանն ավելի վաղ քննադատել էր ԱՄՆ պատժամիջոցները՝ հայտարարելով, որ դրանք ապակայունացնում են տարածաշրջանային իրադրությունը: Ապրիլին նրա ներկայացուցիչը Վաշինգտոնում հայտարարել էր, որ երկիրը չի ցանկանում զրկվել Իրանից նավթ եւ գազ գնելու իր իրավունքից:

Հաջորդ օրը այն բանից հետո, երբ Չինաստանին, Հնդկաստանին, Ճապոնիային եւ մի շարք այլ խոշոր ներմուծողներին տրամադրված հետաձգումները հետ էին կանչվել, Թուրքիայի ԱԳ նախարարը հայտարարել էր, որ իր երկիրն անհնար է համարում նման կարճ ժամանակահատվածում իր մատակարարների դիվերսիֆիկացիան:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստանի բարձրավոլտ էլեկտրացանցեր» ընկերությունում խախտումներ են հայտնաբերվել. հաշվետվություն
Խախտումներ «Հայաստանի բարձրավոլտ էլեկտրացանցում»...
Մեղրին կգազիֆիկացվի․ Սյունիքում հավաստիացրել է Սուրեն Պապիկյանը
Մարզպետարանում կայացած հանդիպմանը ներկա էին Սյունիքի մարզպետն ու փոխմարզպետը...
Սուրեն Պապիկյանը Սյունիքի մարզում ծանոթացել է էներգետիկայի ոլորտում կատարվող շինաշխատանքներին
Նախարարն ուշադրություն է դարձրել ծրագրերի շրջանակներում առաջացած ընթացիկ խնդիրներին, անդրադարձել է պատվիրատու-կապալառու փոխհարաբերություններին…
Նավթի համաշխարհային գները նվազում են
Սակարկությունները վկայում են նավթի գների նվազման մասին...
ԱՄՆ-ում խոստացել են նավթի գների նվազում
Նավթի գները կարճ ժամկետում կնազեն...
Նավթի համաշխարհային գները նվազում են
Սակարկությունների տվյալները վկայում են նավթի գների նվազման մասին...