News
Լրահոս
News
Կիրակի
Հոկտեմբեր 20
USD
476.34
EUR
530.17
RUB
7.45
ME-USD
0.07
Տեսնել լրահոսը

ԱԺ տնտեսական հարցեր հանձնաժողովի նիստում Տնտեսական զարգացման եւ ներդրումների նախարար Տիգրան Խաչատրյանն առաջարկեց, որ ներկրվող ցեմենտի համար պետական տուրք սահմանել ոչ թե 22 հազար դրամ, ինչպես առաջաևկվել էր նախկինում, այլ 14 հազար դրամ:

Մինչ այդ հանձնաժողովի նախագահ Բաբկեն Թունյանը հիշեցրեց, թե հարցը որ փուլում է գտնվում: Նա նշեց, որ սկզբում կառավարությունն առաջարկել էր 22 հազար դրամի պետական տուրք կիրառել ներկրվող ցեմենտի եւ ցեմենտի հումքի՝ կլինկերի վրա: Դրանից հետո ԱԺ տնտեսական հանձնաժողովում որոշվեց, որ տուրքը պետք է կիրառել միայն ներկրվող ցեմենտի վրա, իսկ կլինկերի նկատմամբ պետտուրքը չկիրառել. «Քանի որ կան նաեւ փոքր արտադրողներ, որոնց շահերը հաշվի չէին առնվել, իսկ ցեմենտի տուրքի վրա դնել մեկ տարվա ժամկետ, որ այդ ընթացքում հասկանալի լինի, թե շուկան ինչպես է արձագանքում, նաեւ ժամանակ տալ, թե ցեմենտ արտադրողներն ինչ են անում ավելի մրցունակ դառնալու համար»:

Օրինագիծն առաջին ընթերցմամբ արդեն ընդունվել է:

Տնտեսական զարգացման եւ ներդրումների նախարար Տիգրան խաչատրյանը ներկայացրեց, թե ինչու է որոշվել նվազեցնել պետտուրքը. «Պետք է շուկայում ապահովել մրցակցային պայմաններ այնպես, որ տեղական արտադրության մեծածավալ մասը ներկայացնող արտադրանքը կարողանա վաճառել նույնկերպ, ինչպես ներմուծողները: Այսինքն մեր առաջարկի նպատակն է պահպանել մրցակցային գնային միջավայր: Մենք առաջարկում ենք, որ ներկրվող մեկ տոննա ցեմենտի համար սահմանվի պետտուրք 14 հազար դրամ: Սա տարբեր է առաջարկված 22 հազար դրամից: Այդ 22 հազար դրամի հիմքում հաշվարկներն էին, որտեղ հաշվի էր առնված խոշոր արտադրողի նախորդ տարվա ինքնարժեքի թվերը: Մենք այն ժամանակ ունեինք մեկ տոննայի հաշվով 37 հազար դրամ ինքնարժեք, հետագայում նաեւ ՊԵԿ-ի ներկայացրած տվյալները հաշվի առնելով, ստացվեց, որ ինքնարժեքը մոտ է 31 հազար դրամին:

Ներկրվող ցեմենտի գնագոյացումը կատարվում է հետեւյալ կերպ. Ցեմենտը ձեռք է բերվում մոտ 9 հազար դրամով, մաքսատուրք են վճարում 800 դրամի չափով, բարձման ծախսեր 700 դրամի չափով, տեղափոխման ծախսը՝ մոտ 12 հազար դրամ, իրացման ծախսեր՝ 500 դրամ եւ պետական տուրք՝ 14 հազար դրամ: Հանրագումարային ծախսեր՝ մեկ տոննայի դիմաց 37 հազար դրամ: Սա 500 մարկայի ցեմենտի ծախսերն են Երեւանում: Եթե գումարում ենք նաեւ ավելացված արժեքի հարկը, ապա ստացվում է, որ տոննան կարող են վաճառել 47 հազար դրամով:

Տեղական արտադրողի համար մեկ տոննայի արտադրական ծախսեր, վարչական ծախսեր, իրացման ծախսերը 32 հազար դրամ են, եթե 5 տոկոս շահույթ ենք ավելացնում, կազմում է 33 600 դրամ: Վաճառքի գինը ստացվում է 40 300 դրամ»,-ասաց նախարարը:

Ինչ վերաբերում է կլինկերին, ըստ նախարարի, ներկրողի համար վաճառքի գինը կազմում է 45 600 դրամ, այսինքն ավելի շատ, քան խոշոր արտադրողն է վաճառում ցեմենտը. «Ստացվում է, որ առանց կլինկերի վրա տուրք կիրառելու փոքր արտադրողը, որ կլինկերից պետք է ցեմենտ արտադրի, չի կարողանալու վաճառել ցեմենտ այնպիսի գնով, որ ավելի ցածր լինի, քան խոշոր արտադրողի գինը»:

Նա նշեց, որ եթե այս մեկ տարում տեսնեն, որ բոլորը սկսել են ներկրվող կլինկերից ցեմենտ արտադրել, նշանակում է ինչ-որ բան ճիշտ չեն հաշվարկել. «Եթե տեսնենք, որ իրանական ցեմենտը շուկայից դուրս եկավ, բնշանակում է էլի ինչ-որ բան ճիշտ չենք հաշվարկել: Եթե տեսնենք իրականա  ցեմենտի իրացումը շարունակում է ահագնացող չափերով աճել, նշանակում է էլի մի բան ճիշտ չենք հաշվարկել: Մենք ոչինչ չենք բացառում»,-ասաց Տիգրան Խաչատրյանը՝ հավելելով, որ պետք է օր առաջ ընդունել օրենքը, որովհետեւ շինարարության սեզոնն սկսվել է:

Նշենք, որ երբ պարզվեց, որ կլինկերի վրա պետական տուրք չի կիառվելու, Գագիկ Ծառուկյանին պատկանող «Արարատցեմենտ» գործարանի տնօրինությունը իր 1200 աշխատակիցներին ծանուցագրեր էր բաժանել, որ 2 ամսից ազատվում են աշխատանքից: Ծառուկյանը հայտարարել էր, որ եթե ներկրվող կլինկերի վրա տուրք չկիրառվի, իրենք էլ դրսից կլինկեր կբերեն ու արագ կստանան ցեմենտ: Ու հիմա ստացվում է, որ կառավարությունը ոչ միայն կլինկերի վրա տուրք չի սահմանում, այլեւ նվազեցնում է նաեւ ներկրվող ցեմենտի տուրքը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մհեր Գրիգորյանը շնորհակալություն է հայտնել ԱՄՀ-ին Հայաստանին աջակցելու համար
Հանդիպման ընթացքում երկուստեք կարեւորվել է այս տարվա մայիսին ԱՄՀ գործադիր խորհրդի կողմից հաստատված ծրագիրը…
Ավտոմաքսատունը Գյումրի տեղափոխելու տնտեսական էֆեկտը արդեն զգացվում է. Շուշան Ներսիսյան
Էն փաստը, որ այսօր տարբեր ավտոներմուծող կազմակերպություններ արդեն իսկ տարածքներ են վարձել…
Սահմանվել է վերահսկողություն կերակրի աղի նկատմամբ․ ՍԱՏՄ
Նշենք, որ հանրային սննդի օբյեկտները, սննդի արտադրությամբ զբաղվող կազմակերպությունները կամ անհատ ձեռնարկատերերը պարտավոր են Հայաստանի…
Գյումրիի Հյուսիսային ավտոմաքսատանը 30 հոգի արդեն ընդունվել են աշխատանքի, մնացածը Երեւանից են գալու. ՊԵԿ տեղակալ
ՊԵԿ տեղեկալը հավելեց, որ Գյումրիի աշխատակիցներն ընտրվել են գիտելիքների հիման վրա…
Երբ կսկսի գործել Գյումրիի նոր ավտոմաքսատունը․ պարզաբանում է ՊԵԿ նախագահի տեղակալը
Աշխատանքներն ընթանում են աննկարագրելի թափով…
«Ստվերի դեմ պայքարում աննախադեպ ծավալի հաջողություններ ունենք, բայց դա առավելագույնը չէ». ՀՀ վարչապետ
Վարչապետը նաեւ հավելեց, որ տնտեսական աճի եւ ակտիվության խթանումն ունի ոչ միայն ֆինանսական բաղադրիչ, այլ հոգեբանական բաղադրիչ...
Ամենաշատ