News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

Մայիսի 21-ին Ավստրիայում ՀՀ դեսպան Արմեն Պապիկյանը հանդիպեց Ավստրիայի թվայնացման և գործարար կապերի դաշնային նախարարության գլխավոր քարտուղար Միխայել Էստերլի (Michael Esterl) հետ:

ԱԳՆ-ից NEWS.am-ին հայտնում են, որ ողջունելով Հայաստանի դեսպանին՝ Միխայել Էստերլը կարևորվեց երկկողմ առևտրատնտեսական համագործակցության խորացման, տնտեսական կապերի աշխուժացման ուղղությամբ գործնական քայլերի ձեռնարկումը:

Միխայել Էստերլը, հակիրճ ներկայացնելով Ավստրիայի թվայնացման և գործարար կապերի դաշնային նախարարության գործառույթների շրջանակը, ավստրիական կողմի պատրաստակամությունը հայտնեց խորացնել Հայաստանի հետ համագործակցությունը թվայնացման և բարձր տեխնոլոգիաների ոլորտներում երկուստեք հետաքրքրություն ներկայացնող ուղղություններով:

Դեսպան Արմեն Պապիկյանը կարևորեց համակարգված և ակտիվ աշխատանքների իրականացումը՝ ուղղված երկկողմ առևտրատնտեսական համագործակցության զարգացմանը: Նա տեղեկացրեց, որ Հայաստանում ստեղծված են բոլոր անհրաժեշտ պայմանները ներդրումների ներգրավման, ներդրումային ծրագրերի իրականացման համար՝ կարևորելով ավստրիական բիզնեսի ներկայությունը Հայաստանում: Դեսպանը համառոտ ներկայացրեց նաև Հայաստանի բիզնես գրավչության մանրամասները։ Այս առումով դեսպան Պապիկյանը նշեց որ Հայաստանը, հանդիսանալով ԵԱՏՄ անդամ երկիր, միաժամանակ օգտվում է ԵՄ-ի հետ GSP+ առևտրային ռեժիմից։ Ավելին՝ հայ-իրանական սահմանին գործում է ազատ տնտեսական գոտի, ինչը Հայաստանն էլ ավելի գրավիչ է դարձնում օտարերկրյա ներդրողների համար:

Երկկողմ տնտեսական օրակարգի ձևավորման նպատակով, երկուստեք կարևորվեց Հայ-ավստրիական առևտրատնտեսական և գիտատեխնիկական համագործակցության միջկառավարական խառը հանձնաժողովի գործունեությունը, ինչպես նաև պաշտոնական մակարդակով երկկողմ շփումները:

!
Այս նյութը հասանելի է նաև   English
Տպել
Ամենաշատ