News
Լրահոս
News
Չորեքշաբթի
Հոկտեմբեր 23
USD
475.99
EUR
528.92
RUB
7.45
ME-USD
0.07
Տեսնել լրահոսը

Դատարանների շենքերն արգելափակելու վարչապետի կոչն անտեղի էր:  Այս մասին մայիսի 22-ին լրագրողների հետ հանդիպման ժամանակ հայտարարեց քաղաքագետ, Հայաստանի նախագահի խորհրդական Թեւան Պողոսյանը:

Ինչպես նշեց Պողոսյանը, աշխարհում ընդունված է հայեցակարգեր մշակել եւ դրանց հիման վրա ռազմավարություն կամ ծրագիր կառուցել: Մեզ մոտ ամեն ինչ այլ կերպ է տեղի ունենում, եւ մեծամասամբ ելնելով ստեղծված  իրավիճակից:

«2-3 շաբաթ առաջ խոսում էին այն մասին, որ անցումային արդարադատությամբ կզբաղվի ԱԺ-ն եւ կառավարությունը ուրախ կլինի դրա համար: Անգամ օր էին նշանակել: Կփորձեն հասկանալ ինչպես եւ ինչ անել:  Սակայն ինչ-որ բան էր տեղի ունեցել եւ երկուշաբթի երեկոյան հայտարարություն եղավ երկուշաբթի մի շարք գործողությունների կոչով», -ասաց քաղաքագետը՝ միաժամանակ ուրախություն հայտնելով, որ շատ փորձագետներ եւ կուսակցություններ, մտավորականներ փորձեցին միտք արտահայտել, որ պետք չէ այդ անել եւ հետեւանքները կարող են բացասաբար ազդել երկրի հեղինակության վրա:

Ակցիայի փոքրաթիվ մասնակիցները դա կաապում են նրա հետ, որ հասարակությունը սկել է այլընտրանքային կարծիքին լսել:

«Որոշ գնահատականներով ակցիային մասնակցել է 1100, մյուսներով՝ 5 հազար մարդ: Կարեւորը, որ հասարակությունը սկսել է տարբեր կարծիքներ լսել եւ ինքնուրույն գնահատել, թե ինչպես վարվել», - կարծում է Թեւան Պողոսյանը:

Նրա խոսքով՝ ճիշտ կլիներ, որ վարչապետի հնչեցված քայլերը օրակարգ մտնեն եւ բազմակողմանի քննարկվեն, որպեսզի հանրային քննարկումներ տեղի ունենան եւ բոլորը համոզվեն, որ դա նպաստելու  է արդարադատության համակարգի զարգացմանը:

«Նշված 5 կետերում նշվում էր սահմանադրական բարեփոխումների հնարավորությունը: Եթե ամեն ինչ օրենքի շրջանակում լինի, ապա ամեն ինչ լավ է: Սակայն չի կարելի կրկնօրինակել այն, ինչ եղել է այլ երկրում: Հայաստանը սեփական նյուանսները եւ ավանդույթներն ունի: Ամեն ինչ պետք է հայկական պրիզմայով անցնի: Որովհետեւ, եթե անգամ ինչ-որ տեղ փորձը բարեհաջող է եղել, պարտադիր չէ, որ այն Հայաստանում հաջողությամբ պսակվի: Դա վերաբերում է բոլոր ոլորտներին: Սխա՞լ է եղել: Ամոթ չէ սխալն ուղղել: Հարկավոր է դասեր քաղել սխալներից, որպեսզի դրանք չկրկնվեն», - նշեց Պողոսյանը:

Դրական գնահատելով օմբուդսմենի եւ քաղաքական ուժերի հայտարարությունները, քաղաքագետը հիշեցրեց, որ նախագահը եւս հանդես է եկել հայտարարությամբ:

Հարցին, արդյոք այն բավարար էր ներկայիս իրավիճակում, նախագահի խորհրդականը հարցրեց, թե ինչ էին ակնկալվում նախագահի ներկայիս լիազորությունների շրջանակում: Ըստ Պողոսյանի, նախագահն ունի երկու հնարավորություն` հանդես գալ հայտարարությամբ կամ դիմել Սահմանադրական դատարան:

«Ինչ լիազորություններ ունի նախագահը, բացի նրանից որ կարող է հիշեցնել Սահմանադրության մասին: Նա հիշեցրեց, որ կա իշխանության երեք ճյուղ եւ դրանք պետք է հարգել: Եվ բոլոր քաղաքացիներին Սահմանադրությունը հարգելու ուղղակի կոչ կար», - նկատեց Պողոսյանը:

 «Բոլորս հասկանում ենք, որ հարկավոր է ինչ-որ բան անել: Չկա այնպիսի համակարգ, որը բարելավման կարիք չունի: Կա անցումային արդարադատության գաղափար: Եկեք քննարկենք: Տեսնենք դա մերն է, թե ոչ: Եթե ոչ՝ հրաժարվել:Նույնը վերաբերում է վեթթինգին: Որոշ երկրներում փորձը դրական է:  Ալբանիայում մոտ մեկ տարի դատական համակարգը չէր աշխատում: Մենք դրան պատրա՞ստ ենք: Անհրաժեշտ է հասկանալ՝ ինչն է մեզ համապատասխանում, իսկ ինչը՝ ոչ: Առաջ նայել, այլ ոչ թե ուրախանալ, որ վաղը ինչ-որ բան կստանանք: Երկարաժամկետ հեռանկարով նայել: Ինչ կտա 10, 20 տարի հետո: Բայց դա չի նշանակում, որ եղած համակարգերը պետք է կասեցնել: Հաջողված համակարգերը վերափոխմամբ են ստեղծվում, այլ ոչ թե ոչնչացմամբ»,- նշեց Թեւան Պողոսյանը:

Նրա խոսքով՝ այն, ինչ տեղի ունեցավ միջազգային հանրությանը թույլ տվեց ստանալ երկու լծակ՝ մեկն ասում է՝ «դուք չեք պահպանել իշխանության երկու թեւերի միջեւ պարիտետը»: Մյուսը՝ «մենք պատրաստ ենք նպաստել դատական համակարգի կայացմանը»: Երկրորդը ժամանակի ընթացքում կարող է վերածվել կոնֆետի: Եվ երկուսն էլ կօգտագործվեն, որպեսզի Հայաստանին հետագա քայլերի խթանեն:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Քաղաքական պատվերով թելադրված անհիմն գործ է.Արա Սաղաթելյանը՝ Բաբլոյանի և Բաբայանի քրգործի մասին
Նախ պետք է ասեմ, որ թե՛ Արա Բաբլոյանը, թե՛ Արսեն Բաբայանը ազնիվ և պարկեշտ մարդիկ են ու նրանց այս արհեստածին գործում ներգրավելու համար պետք....
«Հրապարակ».«Ցավն այն է, որ իրավաբաններից ոմանք սկսեցին դատարաններ շրջափակելը համարել ժողովրդավարության դրսեւորում»
Որովհետեւ ես չէի կարող, ես բարոյական իրավունք չունեի, երբ դատարանները շրջափակեցին...
«Ժամանակ». Ուշագրավ նշանակում ՊԵԿ-ում. կաշառքից համար աշխատանքից ազատվածը բարձր պաշտոն է ստացել
ՊԵԿ մաքսանենգությանը դեմ պայքարի վարչության Զվարթնոցի բաժնի պետք է նշանակվել...
«Հրապարակ». Վարագ Սիսեռյանը «լվացել է ձեռքերը». Նա նեղացած է
Սիսեռյանն ասաց, որ որոշել է այլեւս չխառնվել...
«Փաստ». Ֆելիքս Ցոլակյանն իր նպատակին հասավ
Եվ քանի որ «նոր Հայաստանում» իշխանավորների բոլոր երազանքներն իրականանում են…
«Հրապարակ». Արսեն Բաբայանի դեմ «ցուցմունք տված» անձը ոչինչ չի հիշում
ԱԺ ընդհանուր բաժնի նախկին պետը պնդում է, որ ՍԴ գրության վերաբերյալ Արսեն Բաբայանից որեւէ հրահանգ չի ստացել...