News
Լրահոս
News
Հինգշաբթի
Մարտ 28
Տեսնել լրահոսը

Հայաստանում ընդդիմությունը դեռեւս չի ընկալել, որ ՀՀ–ում իշխանությունը ժողովրդին է պատկանում. ոչ միայն գործադիրը եւ օրենսդիրը, այլ  նաեւ դատական իշխանությունն է պատկանում ժողովրդին։ Այս մասին այսօր՝ մայիսի 22-ին, լրագրողների հետ զրույցում ասաց ԱԺ փոխնախագահ Ալեն Սիմոնյանը՝ խոսելով դատարանների մուտքերն ու ելքերը փակելու՝ ՀՀ վարչապետ Նիկոլ Փաշինյանի կոչին հաջորդած դատապարտող արձագանքների մասին։

Պատասխանելով դիտարկմանը, որ միջազգային կառույցներ եւ ընդդիմության ներկայացուցիչներ դատապարտեցին վարչապետի կոչն ու դատարանների արգելափակման ակցիան, նա ասաց. «Տեսաք ՀՀ–ում ԵՄ պատվիրակության ղեկավար Պյոտր Սվիտալսկիի եւ ԱՄՆ դեսպանատան հայտարարությունը, իսկ ընդդիմության արձագանքը էմոցիոնալ եւ պահի տակ արձագանք էր։ Նույն ընդդիմությունը դեռեւս չի ընկալել, որ ՀՀ–ում իշխանությունը ժողովրդին է պատկանում, ոչ միայն գործադիրը եւ օրենսդիրը, այլ  նաեւ դատական իշխանությունը պատկանում է ժողովրդին»։

Խոսելով կոչին արձագանքած 1100 քաղաքացիների թվի մասին, Ալեն Սիմոնյանն ասաց. «Ակցիա է եղել, որը վերաբերվել է ամբողջ հանրապետությունը։ Կարծում եմ՝ որեւէ մեկի մոտ կասկած չկա, որ պարոն Փաշինյանը եւ «Իմ քայլը» դաշինքը ցանկության դեպքում հանրապետության հրապարակը կլցնի, որովհետեւ մենք ժողովրդի հետ համագործակցում եւ ներկայացնում ենք ժողովրդին»։

Իսկ պատասխանելով հարցին, թե ինչու տասնյակ հազարավոր քաղաքացիների փոխարեն արձագանքեց  միայն 1100 հոգի, չէ որ վարչապետի կողմից կոչ էր եղել, Աժ փոխնախագահը հարցրեց. «Իսկ կարիք կա՞ր, այն քանակը, որ եղել է եւ այն փաստը, որ բոլոր դատարանները շրջափակված են եղել, խոսուն է»։

Նա վերահաստատեց իր կարծիքը, որ դատարանների արգելափակմամբ դատական իշխանությանը որեւէ միջամտություն չի եղել.  «Դա քաղաքական ակցիա էր»։

Հիշեցնենք, որ կիրակի օրը Նիկոլ Փաշինյանը կոչ էր արել երկուշաբթի առավոտյան, ժամը 8.30–ից փակել բոլոր դարանների մուտքերն ու ելքերը, իսկ 12.00-ին ինքը հանդես կգա դատաիրավական համակարգում առկա վիճակի մասին ելույթով։ Սա մի շարք հասարակական կազմակերպություններ որակել են որպես սահմանադրական կարգի տապալում։ Հայտարարություններով են հանդես եկել մի շարք կուսակցություններ, այդ թվում ՀՀԿ-ն ու ՀՅԴ-ն: ԵԽԽՎ համազեկուցողներն ու Եվրոպայի ժողովրդական կուսակցությունը իրենց մտահոգություն են հայտնել այս կոչի առնչությամբ։ ՀՀ–ում ԱՄՆ դեսպանատանունը իր հերթին հայտարարել էր, որ ԱՄՆ-ն  քաջալերում է ՀՀ կառավարությանը հետամուտ լինել դատական բարեփոխումների երկրի սահմանադրությանը համահունչ ճանապարհով: ՀՀ–ում ԵՄ պատվիրակության ղեկավար Պյոտր Սվիտալսկին իր աջակցությունն էր հայտնել դատաիրավական համակարգի բարեփոխումներին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ