News
Լրահոս
News
Երեքշաբթի
Հունիս 25
USD
477.81
EUR
544.32
RUB
7.6
ME-USD
0.16
Տեսնել լրահոսը

Վաշինգտոնն առաջին նահանգն է ԱՄՆ-ում, որն օրինականացրել է մարդկային աճյունը կոմպոստի վերածելը, տեղեկացնում է BBC-ն։

Հիմա ըստ նոր օրենքի՝ արեւմտյան այդ նահանգի բնակիչները կկարողանան ընտրել իրենց մարմինը տնօրինելու նոր միջոցը մահվանից հետո՝ կտակելով, որ իրենց մարմինը վերածվի պարարտանյութի։ Օրենքը ստորագրվել է նահանգապետ Ջեյ Ինսլիի կողմից։

Օրենքը պաշտպանող Քաթրինա Սփեյդը եւ նրա Recompose ընկերությունը յուրացրել են մարմնի մնացորդները արգասաբեր կոմպոստի վերածելու տեխնոլոգիան։

Ըստ այդ տեխնոլոգիայի՝ մարմինը տեղադրվում է լյուցեռնով, փայտով եւ ծղոտով լի վեցանկյուն պողպատե կոնտեյներում։ Դրանից հետո այն փակում են, եւ մարմինը քայքայվում է բնական եղանակով ոչ ավելի, քան 30 օրում։ Արդյունքում՝ ստացվում է երկու սայլի տարողությանը համապատասխան կոմպոստ։

Վերջում կոմպոստը տալիս են մահացածի մերձավորներին։ Նրանք կարող են դրա վրա ծաղիկներ, բանջարեղեն կամ ծառեր տնկել։

Մարմնի մնացորդները կոմպոստի վերածելն առաջարկվում է որպես ավելի էկոլոգիական այլընտրանք ավանդական թաղմանը եւ դիակիզմանը։ Այն նաեւ կարող է դառնալ խոշոր քաղաքներում գերեզմանատեղիների անբավարարության խնդրի լուծում։

!
Այս նյութը հասանելի է նաև   Русский
Տպել