News
Լրահոս
News
Շաբաթ
Հոկտեմբեր 19
USD
476.34
EUR
530.17
RUB
7.45
ME-USD
0.07
Տեսնել լրահոսը

Տնտեսական զարգացման նախաձեռնությունների կենտրոնն ուսումնասիրել է ներդրվող գույքահարկի հարկման նոր համակարգը. ներկայումս գործող օրենսդրության համաձայն՝ շենքերը, շինությունները եւ հողամասերը հարկվում են հաշվարկված կադաստրային արժեքների հիման վրա:

Կառավարությունը քննարկում է գույքահարկի եւ հողահարկի օրինագծի ընդունման նոր տարբերակը (հանդես կգա որպես միասնական անշարժ գույքի հարկ), որի նպատակն անշարժ գույքի հաշվարկված կադաստրային արժեքները վերանայելն է՝ այն մոտեցնելով գույքի շուկայական գնին: Այսինքն նոր օրենքի ուժի մեջ մտնելուց հետո շուկայական արժեքը հարկվելու է շուկայական գնով:

Անշարժ գույքի շուկայական գնին մոտեցված արժեքի հիման վրա անշարժ գույքի հարկման նպատակով ՀՀ ֆինանսների նախարարությունը ներկայումս ընթացող հարկային բարեփոխումների երկրորդ փուլի շրջանակում՝ 2019թ.-ի երկրորդ կեսին, նախատեսում է անցնել ՀՀ հարկային օրենքսգրքում համապատասխան փոփոխությունների մշակմանը ՝ ՀՀ անշարժ գույքի կադաստրի կոմիտեի կողմից օրինագծի շուրջ  աշխատանքներն ավարտելուց հետո:     

Նախագծի ընդունումը պետական եւ տեղական ինքնակառավարման մարմինների բյուջեներում հանգեցնելու է եկամուտների ավելացման: Այսինքն՝ ակնկալվում է գույքահարկի եւ հողի հարկի գծով հավաքագրվող մուտքերի աճ՝ հողի եւ գույքահարկի գծով բարձրացնելու հաշվին, որը վճարելու են ՀՀ –ում գույքի սեփականատեր հանդիսացող  (ֆիզիկական եւ իրավաբանական) անձինք:  

Նախագծի հիմնավորման համաձայն՝ եկամուտների ավելացում կարող է տեղի ունենալ նույնիսկ գործող դրույքաչափերի եւ հարկման շեմերի նվազման պարագայում՝ բազային արժեքի հաշվին:

Շուկայական արժեքի հաշվարկի բանաձեւում մեկ քառակուսի մետր մակերեսի համար բազային, միասնական արժեք ընդունվելու է 700,000.0 ՀՀ դրամը՝ նախկին 255,000 (քարե շինությունների) եւ 230,000 (երկաբետոնե շինությունների) ՀՀ դրամի փոխարեն: 

Մյուս կողմից, շենքերի տարածագնահատման (գտնվելու վայրի)՝ գոտիականության գործակիցներն են հիմնականում պայմանավորելու միանման պարամետրեր ունեցող գույքի շուկայական արժեքը, որի հիման վրա հաշվարկվելու է գույքահարկի մեծությունը, գնի վրա ազդելու է նաեւ գույքի մեկ գոտուց մյուսին անցումը, գոտիների գործակցի վերանայումը եւ այլն՝ անկախ նրանից, թե ինչպիսի դրույքաչափեր կկիրառվեն:

Որոշման նախագծի Հավելված 5-ում ներկայացված մեթոդաբանության, ինչպես նաեւ  առկա հարկման շեմերի եւ դրույքաչափերի հիման վրա ՏԶՆԿ-ի կողմից կատարված հաշվարկներից կարելի  է եզրահանգել հետեւյալը՝

Նոր մեթոդաբանությամբ Արաբկիր (նոր նախագծի համաձայն երրորդ գոտում) եւ Նոր-Նորքի վարչական շրջանների (նախագծի համաձայն հինգերորդ գոտում) քարե շենքի 2-3 հարկերում գտնվող 2 եւ 3 սենյականոց բնակարանների (նույն շահագործման տարիք ունեցող) համար վճարվող գույքահարկերի չափը կավելանա առնվազն 10 անգամ (15 եւ ավել անգամ Արաբկիրի բնակարանի դեպքում  13 եւ ավել անգամ Նոր-Նորքի բնակարանի դեպքում): Հետեւաբար, Արաբկիր վարչական շրջանի երրորդ գոտում գտնվող բնակարանի գույքահարկն ավելի շատ է թանկանալու, քան Նոր-Նորքի վարչական շրջանի հինգերորդ գոտիում գտնվող բնակարանը, որը  հիմնականում բացատրվում է շենքերի տարածագնահատման (գտնվելու վայրի) գոտիականության գործակիցներով:

Այն բնակարանների սեփականատերերը, որոնց բնակարանների կադաստրային արժեքը չի գերազանցում 3 մլն ՀՀ դրամը, ներկայում ընդհանրապես գույքահարկ չեն վճարում, իսկ նոր մեթոդաբանությամբ Մալաթիա-Սեբաստիա վարչական շրջանում (նոր մեթոդաբանությամբ յոթերորդ գոտում) գտնվող 2 սենյականոց բնակարանի համար  կվճարեն շուրջ 7000 ՀՀ դրամ գույքահարկ:

Գոտիականության եւ գործակցի պահպանման դեպքում ք. Երեւանում առաջին գոտում միանման բնակարանի գույքահարկի չափի փոփոխությունն ավելի քիչ է լինելու, քան այլ վարչական շրջաններում գտնվող բնակարանների գույքահարկի փոփոխությունը:

Նշենք, որ շինությունների եւ բնակարանների գույքահարկի բարձացման տեսանկյունից ամենամեծ չափի փոփոխությունը գրանցվելու է բնակարանների եւ առանձնատների վրա, ինչպես նաեւ հասարակական նշանակության շինությունների վրա: Իսկ արտադրական նշանակության շինությունների պարագայում գույքահարկի փոփոխությունը կլինի համեմատաբար ավելի քիչ՝ շուրջ 4-5 անգամ:  

Շենքերին հարակից 100մ2 եւ 3.5 մետր բարձրությամբ խանութ ունեցողի գույքահարկը Կենտրոնում (2-րդ գոտի) կբարձրանա 8.6 անգամ, Արաբկիրում (4-րդ գոտի) 11.5 անգամ, իսկ Շենգավիթում (7-րդ գոտի)՝ 11.8 անգամ:

Շենգավիթում գտնվող արտադրական նշանակության շինությունների դեպքում, որի մակերեսը պայմանականորեն կազմում է 500մ2, գույքահարկը կբարձրանա շուրջ 4.9 անգամ: Ջրվեժ համայնքում նմանատիպ շինությունների գույքահարկի չափը կբարձրանա շուրջ 4 անգամ:

ՀՀ այն ընտանիքը, որը բնակվում է Մալաթիա-Սեբաստիա վարչական շրջանի ծայրամասում եւ  գումարային եկամուտը չի գերազանցում 150,000 դրամը, առկա օրենսդրության համաձայն ընդհանրապես գույքահարկ չի վճարում, իսկ նոր փոփոխությունների համաձայն 2-սենյականոց բնակարանի համար  կվճարի առնվազն 7,000 ՀՀ դրամ-ի չափով գույքահարկ, այն դեպքում երբ նրա եկամուտները չեն փոխվի՝ գումարած նաեւ բարձրացված ակցիզային հարկով հարկվող ապրանքների սպառումը:

Այսպիսով՝ կառավարության մոտեցումը հետեւյալն է՝ եթե եկամուտները հարկվելու են համահարթ մոդելի շրջանակներում, ապա գույքը  պետք է հարկվի շուկայական արժեքի հիման վրա: Այս համակարգի ներդրման պարագայում, փոփոխությունների ողջ բացասական ազդեցությունն  իր վրա հատկապես  զգալու  է հասարակության առավել խոցելի խավը:  

Տպել
Կարդացեք նաև
Ամբողջը
Գյումրու տուն-ինտերնատը լուծարում են, իսկ 100 շահառու ընտանիք վերադառնալու հնարավորություն չունի
Տեղեկություններ են շրջանառվում, որ Կարմիր խաչի Շիրակի մարզային մասնաճյուղն է որոշել մասնակցել մրցույթին եւ մատուցել շուրջօրյա խնամքի ծառայություններ, այս...
«Ժողովուրդ»․ 50 հազար դրամով կտուգանվեն․ փոփոխություններ գնված ապրանքը հետ վերադարձնելու գործընթացում
«Ժողովուրդ» օրաթերթը տեղեկացավ, որ այս երեւույթը շուտով կվերանա մեր երկրի առեւտրի...
Ryanair-ին «օդի տուրքի» արտոնություն է տրվել․ Տաթեւիկ Ռեւազյան
«ՀՀ կառավարությունը, հարկատուները որեւէ գումար չեն վճարելու Ryanair-ին»,-նշեց նա․․․
Դոլարի փոխարժեքը նվազել է. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները...
Կադաստրի արխիվների թվայնացման շուրջ խորհրդատվության նպատակով Հայաստան են ժամանում ԵՄ փորձագետները
Հոկտեմբերի 21-ի առավոտյան Կոմիտեում նրանց կընդունի ղեկավար Սարհատ Պետրոսյանը՝ տեղակալ Արամ Կարախանյանի, գլխավոր քարտուղար Գոհար...
«Էրեբունի-Երեւան» տոնկատարությունների շրջանակում Երեւանի մետրոպոլիտենն աշխատելու է արտակարգ ռեժիմով
Մետրոպոլիտենը միշտ աշխատել եւ աշխատում է իր կարգախոսի համաձայն՝ «արագ, անվտանգ եւ անխափան...
Ամենաշատ