News
Լրահոս
News
Երկուշաբթի
Հունիս 17
USD
478.4
EUR
539.06
RUB
7.43
ME-USD
0.15
Տեսնել լրահոսը

Իմքայլականների «բարեփոխումների» մասին որոշումները անմիջականորեն կապվում են Քոչարյանի գործի հետ: Այս մասին գրում է «Այլընտրանքային նախագծեր խմբի» անդամ Էլինար Վարդանյանը։

«Երեկվանից տարածվում է «Իմ քայլը» խմբակցության փակ նիստի ձայնագրությունը, որտեղ քննարկվում է Սահմանադրական դատարանը եւ Բարձրագույն դատական խորհուրդը ցրելու հարցը: Դրան հաջորդեցին իմքայլականների իրարամերժ հերքումներն ու հաստատումները: Որոշ պատգամավորներ հերքեցին, մյուսները հատատեցին, որ օրակարգում ՍԴ-ն եւ ԲԴԽ-ն ցրելու հարցն էր:

Իրականում մենք գործ ունենք շատ վտանգավոր միջադեպի հետ, շատ վտանգավոր նախադեպի հետ։

Ժամանակագրական առումով այս նիստը, այս ձայնագրությունը հաջորդեց դատարանի կողմից Քոչարյանի գործը կասեցնելուն եւ Սահմանադրական դատարան ուղարկելուն: Այստեղից պարզ երեւում է, որ իմքայլականների «բարեփոխումների» մասին որոշումները անմիջականորեն կապվում են Քոչարյանի գործի հետ: Դատարանը կալանքի մասին որոշում է տալիս, ուրեմն դատարաններին ձեռք տալ պետք չէ, կալանքի մասին որոշումը փոխում է, ուրեմն դատարանների աշխատանքները պետք է կազմալուծել, շատ արագ անցնել վեթինգի ու ներգործության այլ միջոցների, ինչպես նաեւ ցրել ԲԴԽ-ն:

Անկեղծ ասած, այս մարմինն այնպես չէ, որ փայլուն իրականացնում է իր առաքելությունը, բայց գոյություն ունեն իրավական երաշխիքներ եւ դրանք անտեսելը կամ խախտելը պարզապես անթույլատրելի է: Եվ եթե նպատակը չլիներ բոլոր մարմիններին դարձնել իշխանության կամակատար, ապա դատաիրավական համակարգի բարեփոխումները, որոնք կարվեին բացառապես սահմանադրական ճանապարհով, կլուծեին նաեւ ԲԴԽ-ի արդյունավետության խնդիրը: Բայց կարծես նպատակն ամենեւին էլ համակարգի առողջացումը չէ, այլ այս անգամ այս իշխանության կցորդը դարձնելն է:

Հիմա հերթը նաեւ ՍԴ-ինն է: Գործը գտնվում է ՍԴ-ում, ուրեմն շատ արագ պետք է ՍԴ-ն ցրել: Սա պարզապես լուրջ սպառնալիք է իշխող ուժի կողմից: Այստեղ կարող է խոսք գնալ սահմանդրական կարգի տապալման կամ այդպիսի ծրագրի մշակման մասին։ Այս հայտարարությունները լուրջ մտահոգությունների տեղիք են տալիս, քանի որ հակաիրավական եւ հակասահմանադրական բովանդակություն ունեն:

ՀՀ Սահմանադրությունը եւ Սահմանադրական դատարանի մասին սահմանադրական օրենքը սահմանում են դատավորի անփոփոխելիության, անձեռնմխելիության երաշխիքներ: Եվ այսպիսի քննարկումներն արդեն իսկ ճնշում են այս մարմինների նկատմամբ: Այդպիսի հակասահմանադրական որոշում կայացնելու դեպքում մեր երկիրը շատ երկար ժամանակ պետք է փորձի վերականգնել իր միջազգային հեղինակությունը, շատ երկար պետք է համոզի օտարերկյա ներդնողներին, որ իրենց հանդեպ եւս չեն կայացվելու հակաօրինական որոշումներ», նշել է նա:

Տպել
Կարդացեք նաև
Ամբողջը
Արդարադատության բարեփոխումների համար զգալի գումարներ կտրամադրվեն. ԵՄ դեսպան
Դա հրատապ գումար է, որը բավական կարճ ժամանակում պետք է հատկացվի հստակ նպատակների համար․․․
Կարող է և նոր առաջարկ լինել․ Արարատ Միրզոյանը՝ Զեյնալյանի նոր պաշտոնի հնարավորության մասին
Միրզոյանը նշեց, որ եթե իրեն ընտրեն վարչության նախագահ, ինքը հակված է ինքնաբացարկ հայտնելու․․․
Եթե պատերազմ եք ուզում, կարող է հանկարծ ստանաք այն ու այս անգամ Ծառուկյանն էլ չի փրկի ձեզ. Ուրիխանյան
ԲՀԿ-ի պարբերաբար սայթաքելու պատճառը հենց այն է, որ որոշ լպրծուններ քծնանքով ու գործընկերներին վատաբանելով են միայն կարողանում իրենց տեղը պահպանել...
Պետք չէ վախենալ «իզմ»-երից. եկել է հեղափոխության գաղափարախոսությունը բյուրեղացնելու ժամանակը. Արման Եղոյան
Սա հեղափոխությունից հետո կուսակցության առաջին համաժողովն է եւ համոզված եմ, որ այն նոր օրակարգ ու լիցք է տալու հեղափոխությանը...
«Խրամատներից դուրս գալու ժամանակը». Միքայել Մինասյանի հոդվածը
Մենք հավաքական ընտրություն ունենք կատարելու՝ ապրել համերա՞շխ, թե՞ կռվելով, ոչնչացնելով բոլորին ու ամեն ինչ, թե՞ առաջ գնալ...
«Ժամանակ». Նոր բեմականացում. Ինչո՞ւ է «ուզում» պատգամավորական մանդատը վայր դնել Տիգրան Ուրիխանյանը
Շատերի համոզմամբ՝ հիմա նա «Ֆեյսբուքում» կազմակերպում է աջակցության ակցիա...