News
Լրահոս
News
Երեքշաբթի
Հունիս 25
USD
477.81
EUR
544.32
RUB
7.6
ME-USD
0.16
Տեսնել լրահոսը

Վաշինգտոնի պատժամիջոցները Huawei-ի դեմ «վտանգավոր նախադեպ» են եւ հակասում են միջազգային բիզնես-ընկերակցության արժեքներին։ Հինգշաբթի Պոտսդամում նման կարծիք է հայտնել չինական ընկերության տնօրենների խորհրդի փոխնախագահ Հու Հոուկունը Պոտսդամի համալսարանի կազմակերպած կոնֆերանսում, տեղեկացնում է ՏԱՍՍ-ը՝ հղում կատարելով DPA-ին։

«ԱՄՆ կառավարությունը Huawei-ի դեմ անարդարացի սահմանափակումներ է մտցնում անհիմն մեղադրանքների հիման վրա»,- նշել է մենեջերը։ «Ով գիտի, թե որը կլինի հաջորդ քայլը, եթե նման գործողությունները շարունակվեն»,- հարցրել է նա։

«Վաղը դա կարող է վերաբերել ձեր ընկերությանը եւ սպառողին»,- ասել է Հու Հոուկունը։ Նա ողջունել է, որ Գերմանիան եւ եվրոպական պետությունները չեն հետեւել ԱՄՆ օրինակին։ Նրա խոսքով՝ անհրաժեշտ են ընկերությունների անվտանգության եւ անկախ ստուգման հստակ չափորոշիչներ։

Մայիսի 15-ին ԱՄՆ նախագահ Դոնալդ Թրամփը հրամանագիր է ստորագրել, որով արտակարգ դրություն է մտցրել օտարերկրյա սպառնալիքներից ԱՄՆ տեղեկատվա-հաղորդակցային ենթակառուցվածքի պաշտպանության համար։ Այդ առիթով ԱՄՆ առեւտրի նախարարությունը մայիսի 17-ից Huawei-ը մտցրել է ազգային անվտանգությանն սպառնացող ընկերությունների սեւ ցուցակ։

Ինչպես հայտնի դարձավ մայիսի 19-ին, ամերիկյան Google ընկերությունը Huawei-ին զրկել է Android բջջային օպերացիոն համակարգի թարմացումների հասանելիությունից, որով հագեցած են նրա արտադրության սմարթֆոնները։ Մայիսի 20-ին առեւտրի նախարարությունը Huawei-ին ժամանակավոր գլխավոր արտոնագիր է տվել 90 օրով, որը վերականգնում է ցանցերի սպասարկման նրա իրավունքը՝ թարմացնելու ծրագրային ապահովումը ԱՄՆ-ում օգտագործվող նրա բջջային սարքերի համար։ Google-ը հայտարարել է, որ ծրագրային ապահովման թարմացումը, այդ թվում՝ անվտանգության համակարգերինը, չինական Huawei ընկերության սարքերի համար հասանելի կլինի առաջիկա 90 օրերին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Google-ը հավելյալ 1 մլրդ եվրո կներդնի Նիդերլանդներում դատա կենտրոնների կառուցման համար
Ավելի վաղ ընկերությունը հայտնել էր, որ 1,5 մլրդ եվրո կծախսի Էմսհավենում տվյալների մշակման կենտրոնի ընդլայնման համար...
«Նորարարությունն այսօր ամենաթանկ բանն է աշխարհում». Նախարարը՝ «Հայաստան - Ինժեներական շաբաթ»-ի մասնակիցներին
Եվ այն երկրները, որոնք կարողանում են նորարարական և ինժեներական ընկերությունների ի հայտ գալու և զարգացման համար նորարարության խթանման ճիշտ էկոհամակարգ ստեղծել…
Թեհրանի դեմ կիբեռհարձակումները հաջողությամբ չեն պսակվել. Իրանի իշխանություններ
Հարձակումները հաջողությամբ չեն պսակվել, չնայած [դրանց կազմակերպիչները] շատ ջանք էին ներդրել…
Չինաստանը ստեղծել է աշխարհում առաջին «խելացի» սուպերլցանավը
«Կայչժեն» նավը կառուցվել է Դալյան քաղաքում, այն ունի նորագույն սարքավորում ...
«Հայաստան-Ինժեներական շաբաթ»-ը կներկայացնի ՀՀ ինժեներական ներուժը. Երեւան են գալու «Nvidia»-ն ու «Nokia»-ն
ՀՀ կառավարության, «Ձեռնարկությունների ինկուբատոր» հիմնադրամի եւ Ինժեներական ասոցիացիայի նախաձեռնությամբ Երեւանում եւ Վանաձորում հունիսի...
PicsArt-ը շուտով դեբյուտ կունենա (ֆոտո)
Հայկական տարբերակը կպարունակի ընդհանրություններ և միևնույն ժամանակ կառանձնանա իր յուրահատկություններով...