Ճապոնիա պետական այցի շրջանակներում ԱՄՆ նախագահ Դոնալդ Թրամփը հրավիրված է կայսերական ընթրիքին, գոլֆի խաղին եւ սումոյի հանդիպմանը: Այսպիսով, վարչապետ Սինձո Աբեն կկենտրոնանա անձնական կապերի վրա, այլ ոչ թե առեւտրի, անվտանգության ոլորտի արդյունքների կամ Հյուսիսային Կորեայի հարցի վրա, գրում է AP-ն:
Թրամփը եւ Աբեն գոլֆ կխաղան պրոֆեսիոնալ գոլֆիստ Իսաո Աոկիի մասնակցությամբ: Այնուհետ երկու առաջնորդներն իրենց կանանց հետ ընթրիքից առաջ կդիտեն սումոյի հանդիպումը:
Թրամփ զույգը հրավիրված է նաեւ կայսերական պալատում ֆրանսիական ընթրիքին, որը կազմակերպվել է կայսր Նարուխիտոյի եւ նրա կնոջ կողմից:
Թրամփը կլինի առաջին օտարերկրյա առաջնորդը, որը կդառնա Նարուխիտոյի հյուրն այն բանից հետո, երբ մայիսի սկզբին նա ժառանգել էր գահը:
Թրամփը եւ Աբեն գագաթնաժողովում պետք է քննարկեն առեւտրի, Հյուսիսային Կորեայի, անվտանգության եւ հնարավոր է նաեւ տիեզերական համագործակցությունը, սակայն ոչ մի նշանակալի արդյունք չի ակնկալվում:
«Հիմնական թեման երկու երկրների ղեկավարների միջեւ սերտ անձնական կապերի հաստատումն է` ցույց տալու համար ԱՄՆ-ի եւ Ճապոնիայի միջեւ հարաբերությունների կարեւորությունը եւ ոչ միայն երկու երկրների ազգային շահերի համար, այլեւ ողջ տարածաշրջանի համար», - ասել է Ռազմավարական եւ միջազգային հետազոտությունների կենտրոնի փորձագետ Նիկոլաս Սեչենին:
«Այս այցը վկայում է այն մասին, որ ԱՄՆ-ն պահպանելու է Ասիայում դաշնակիցների նկատմամբ հավատարմությունը եւ հետաքրքրությունն Ասիայի հանդեպ»:
