News
Լրահոս
News
Երկուշաբթի
Հունիս 17
USD
477.83
EUR
535.7
RUB
7.43
ME-USD
0.15
Տեսնել լրահոսը


Սկզբում նշում էին, որ վերջապես վերափոխվեց ԱԱԾ-ն, հետո ինչ-որ պահից ինչ-ինչ հանգամանքներից ելնելով, ինչ-որ մի տեղից պատվեր ստանալուց հետո պարոն Իոաննիսյանը սկսեց սուտ լուրեր տարածել, որի տակ ոչ մի հիմք չկա: Այս մասին այսօր՝ մայիսի 24-ին, ԱԺ-ում լրագրողների հետ զրույցում նշեց ԱԱԾ տնօրեն Արթուր Վանեցյանը՝ անդրադատնալով «Իրազեկ քաղաքացիների միավորում» ՀԿ-ից Դանիել Իոաննիսյանի մեղադրանքին, որ քրեական հեղինակություններ` Վստրեչի Ապերի, Թոխմախի Բաբոյի, Վովայի Արշակի (նախկին ոստիկանապետ Վլադիմիր գասպարյանի թիկնազորի պետ-խմբ) հետ Վանեցյանը մտերիմ հարաբերություններ ունի:

Վանեցյանը նշեց, որ ինքը ծնվել մեծացել է Երեւանում, որտեղ եղել է «քաղաքի տղա» հասկացություն. «Երեւան քաղաքի նորմալ տղաները, որոնք ապրել ու գործունեություն են ծավալել իրենց քաղաքում, ճանաչում են իրենց քաղաքում ապրող բոլոր տղաներին:  Բայց հանկարծ որեւէ մեկը չմեկնաբանի, որ ես ճանաչում եմ այն անձանց, ում անունները տվել է պարոն Իոաննիսյանը: Այդ անձանցից ես ճանաչում եմ Բաբկեն Ղազարյանին, որին նա անվանել է Թոխմախի Բաբո: Բաբկեն Ղազարյանը ՊԵԿ-ի մաքսային ծառայության գնդապետ է, աշխատել է Էրեբունի վարչական շրջանի ղեկավարի տեղակալ, երբ ես աշխատել եմ այդ վարչական շրջանում որպես ազգային անվտանգության բաժնի պետ: Ի պաշտոնե ես շփվել եմ եւ այո, նորմալ հարաբերություններ են ձեւավորվել այդ անձի հետ:

Ինչ վերաբերում է Արշակ Հակոբյանին, ով եղել է ոստիկանապետի անվտանգության ծառայության պետը: Իր հետ ծանող եմ դեռեւս 1996 թվականից, երբ ես ծառայում էի ՀՀ Զինված ուժերում, իսկ ինքը՝ ռազմական ոստիկանությունում:

Ճանաչել եմ, ինքը եղել է սպա, ես եղել եմ զինվոր: Ոչ թե մտերմություն ենք արել, այլ ուղղակի եղել է սպա, ճանաչել եմ:

Այն մեղադրանքները, որ հնչեցվում են, իրականության հետ կապ չունի: Արշակ Հակոբյանի հետ ընկերական հարաբերություններ երբևիցե չեմ ունեցել, չունեմ: Ճանաչում եմ շատ-շատ մարդկանց, բայց մտերմիկ հարաբերություններ չունեմ:

«Վստրեչի Ապերը»՝ Արամ Վարդանյանը, ես էլի իր հետ շփվել եմ մեկ-երկու անգամ, գործնական: Այսինքն՝ ինքը կատարել է իրավախախտում, ես իրան բերման եմ ենթարկել ԱԱԾ քննչական վարչություն, բերման եմ ենթարկել՝ հարցաքննության նպատակով: Այլ շփումներ ես այդ մարդկանց հետ չունեմ:

Իսկ որ սենսացիա են ուզում անել, խորհուրդ կտամ պարոն Իոաննիսյանին՝ հանգիստ նստի տեղը»,- ընդգծեց ԱԱԾ տնօրենը:

Հարցին, թե իր կարծիքով ով է այս ամենի պատվիրատուն, նապատասխանեց. «Պատվիրատուին թող իրենք ասեն՝ ով է»:

Տպել
Կարդացեք նաև
Ամբողջը
Եթե բախտ վիճակվեր ունենալ ուժեղ ԱԺ, կտեսնեինք մասնագիտական քննարկում. Արսեն Բաբայանը հարցեր է ուղղել Վահե Գրիգորյանին
Նա ներկայացրել է հարցեր, որոնք, իր համոզմամբ, պետք է հնչեցնեն պատգամավորները և որոնց պատասխանները պարտավոր է խորհրդարանում հնչեցնել ՍԴ դատավորի թեկնածու Վահե Գրիգորյանը...
«Ամազոնի ցեղերի ու մի քիչ էլ մեր իշխանությունների մասին». Արփինե Հովհաննիսյան
Այս հետազտությունը բուռն քննարկումների ալիք բարձրացրեց ..
Արդարադատության բարեփոխումների համար զգալի գումարներ կտրամադրվեն. ԵՄ դեսպան
Դա հրատապ գումար է, որը բավական կարճ ժամանակում պետք է հատկացվի հստակ նպատակների համար․․․
Կարող է և նոր առաջարկ լինել․ Արարատ Միրզոյանը՝ Զեյնալյանի նոր պաշտոնի հնարավորության մասին
Միրզոյանը նշեց, որ եթե իրեն ընտրեն վարչության նախագահ, ինքը հակված է ինքնաբացարկ հայտնելու․․․
Եթե պատերազմ եք ուզում, կարող է հանկարծ ստանաք այն ու այս անգամ Ծառուկյանն էլ չի փրկի ձեզ. Ուրիխանյան
ԲՀԿ-ի պարբերաբար սայթաքելու պատճառը հենց այն է, որ որոշ լպրծուններ քծնանքով ու գործընկերներին վատաբանելով են միայն կարողանում իրենց տեղը պահպանել...
Պետք չէ վախենալ «իզմ»-երից. եկել է հեղափոխության գաղափարախոսությունը բյուրեղացնելու ժամանակը. Արման Եղոյան
Սա հեղափոխությունից հետո կուսակցության առաջին համաժողովն է եւ համոզված եմ, որ այն նոր օրակարգ ու լիցք է տալու հեղափոխությանը...