News
Լրահոս
News
Շաբաթ
Հոկտեմբեր 19
USD
476.34
EUR
530.17
RUB
7.45
ME-USD
0.07
Տեսնել լրահոսը

Ամեն ինչի մեջ կա քաղաքական դրդապատճառ: Այս մասին այսօր՝ մայիսի 24-ին, «Ազատություն» ռադիոկայանի հետ զրույցում նշեց Պաշտպանության նախարար Դավիթ Տոնոյանը՝ անդրադառնալով ԱԺ-ում ապրիլյան պատերազմի հանգամանքների հարցով քննիչ հանձնաժողով ստեղծելու նախաձեռնությանը:

Հարցին, թե այդ հանձնաժողովը պետք է դռնբա՞ց լինի, թե փակ, նախարարն արձագանքեց. «Երբ որոշվի, թե այդ հանձնաժողովն ինչ նպատակներ է հետապնդում, ինչ է լինելու, ինչ խնդիրների վրա է ուշադրություն դարձնելու, իհարկե, այդ պահից սկսած, հաշվի առնելով նաեւ, որ տեղեկությունները հիմնականում դասակարգված են լինելու, կարծում եմ՝ հանձնաժողովի աշխատանքները եւ բաց կլինեն, եւ փակ»:

Տոնոյանի խոսքով, եթե ստեղծվի նման հանձնաժողով, հենց ՊՆ-ն պետք է ներկայացնի բոլոր անհրաժեշտ տեղեկությունները եւ եթե անհրաժեշտություն լինի, ինքն անձամբ կներկայացնի տեղեկությունները:

Նա հավելեց, որ այդ հանձնաժողովի հետ կապված վարչապետի հետ դեռ քննարկում չի ունեցել եւ չի կարող ասել, թե ինչու հիմա առաջացավ հանձնաժողով ստեղծելու անհրաժեշտություն. «Չեմ կարող ասել, ըստ երեւույթին, վարչապետի որոշումն է: Պետք է հասկանալ հանձնաժողովի աշխատանքի նպատակները»:

Հարցին, թե ինչ նկատի ուներ վարչապետը, երբ ասում էր, որ որոշ դավադիր ուժեր փորձում են հող հանձնելով մեղքը գցել ՀՀ իշխանությունների վրա, նա պատասխանեց. «Կարծում եմ՝ այդ հարցն ինձ չպետք է տրվի: Չեմ կարող ասել՝ ում նկատի ուներ: Եթե ապրիլյանի մասին է, ապա այն մարդկանց շրջանակն է, որոնք որոշումներ են կայացրել»:

Տոնոյանն ընդգծեց, որ ՀՀ զինված ուժերի եւ Արցախի պաշտպանության բանակի հետ կապված ոչ մի խնդիր չկա:

Ավելի վաղ NEWS.am-ը հայտնել էր, որ կառավարությունում դատական համակարգի բարեփոխումներին նվիրված խորհրդակցության ժամանակ ՀՀ վարչապետ Նիկոլ Փաշինյանը, մասնավորապես, հայտարարել էր. «Դեռևս նախորդ տարվա խորհրդարանական ընտրությունների քարոզարշավին ասել եմ, որ այս ամենը վերլուծելով՝ դրա տակ տեսնում եմ ընդհուպ դավադիր պատերազմ հրահրելու, անգամ որոշ տարածքներ հանձնելու և տեղի ունեցածի պատասխանատվությունը Հայաստանի կառավարության վրա դնելու հեռահար նպատակ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Լազարյան ակումբի» խորհուրդը հանդես է եկել հայտարարությամբ՝ Կոնստանտին Զատուլինի խոսքերը խեղաթյուրելու մասին
«Լազարյան ակումբի» խորհուրդը հանդես է եկել հայտարարությամբ...
ԵԱՀԿ ՄԽ համանախագահները մշտական խորհրդին կտեղեկացնեն տարածաշրջան այցի արդյունքների մասին
Այցի արդյունքներով ԵԱՀԿ ՄԽ համանախագահների տարածած հայտարարության համաձայն...
Թուրքերը մեր հողերի վրա կարող են 2 պետություն ունենալ, մենք չե՞նք կարող մեր բնօրրանում դա ունենալ. Գրիգորի Այվազյան
Ժամանակին Ադրբեջանը սարսափում էր հայկական սփյուռքից, սարսափում էր, որ կհիշեցնենք իրենց Սումգայիթի մասին, ու դրա համար հորինեցին Խոջալուի…
ՀՀ-ի եւ Արցախի ղեկավարների միջեւ հակասություն ցույց տալը Ադրբեջանում սին հույսեր է ծնում. Գրիգորի Այվազյան
Ադրբեջանի նախագահ Իլհամ Ալիեւը վերջերս վերահաստատեց, որ Ղարաբաղի հակամարտությունը կարող է լուծվել բացառապես պատերազմի միջոցով…
«Կազանյան փաստաթուղթը» մերժվել է հենց Ադրբեջանի կողմից. ԱԳՆ խոսնակի հիշեցումը՝ Բաքվին
Ըստ էության, իր հարցազրույցում դա հաստատում է նաեւ Ադրբեջանի ԱԳ նախարարը, ով ընդունում է ծագումով հայերի նկատմամբ իրականացվող խտրական քաղաքականության առկայությունը…
Դավիթ Տոնոյանը ԵՄ հատուկ ներկայացուցչին ներկայացրել է Արցախի ու Ադրբեջանի զինված ուժերի շփման գծում տիրող իրավիճակը
Դավիթ Տոնոյանն ու Եվրամիության բարձրաստիճան պատվիրակը անդրադարձել են նաեւ տարածաշրջանային անվտանգությանն առնչվող այլ հարցերի…
Ամենաշատ