Ծանրաքաշ կցորդիչով մեքենան 15 մեքենա է խոցել Ալվարո-Օբրեգոն շրջանում (Մեխիկոյի արեւմուտք)։ Իշխանությունների տվյալներով՝ ՃՏՊ զոհ է դարձել չորս մարդ, այդ թվում երկու երեխա, ավելի քան 10 մարդ տուժել է, տեղեկացնում է ՏԱՍՍ-ը։

«Այն խոցել է 15 ավտոմեքենա, չորս մարդ զոհվել է, 14-ը՝ վնասվածքներ ստացել»,- Televisa հեռուստաալիքի եթերից տեղեկացրել է Մեխիկոյի Քաղաքացիական անվտանգության նախարարության ղեկավար Խեսուս Օրտան։

Նրա խոսքով՝ բեռնատարի վարորդը փախչում էր ոստիկանության հետապնդումից, որը սկսվել էր այն բանից հետո, երբ նա ստուգման ժամանակ կանգ չէր առել։ Հետապնդումն ավարտվել է, երբ բեռնատարը մտել է բնակելի տան մեջ։ Օրտան ավելացրել է, որ մեքենան փախուստի մեջ էր։

Ոստիկանները կարողացել են կալանել այն մարդուն, որը բեռնատարի ղեկին էր։