Հայաստանի ԱԻՆ-ում, մայիսի 26-ին, ժամը 23:14-ին «911» ծառայությանը տեղեկություն է հաղորդվել, որ Իջեւան-Նոյեմբերյան ավտոճանապարհի մոտ 10-րդ կմ-ին տեղի է ունեցել ավտովթար. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Infiniti FX35» մակնիշի ավտոմեքենան (վարորդ՝ Ա.Խ., ծնված 1985 թ.) դուրս է եկել ճանապարհի երթեւեկելի հատվածից եւ շրջվել. տուժածներ չկան:
Փրկարարները հոսանքազրկել են ավտոմեքենան եւ դուրս բերել ճանապարհի երթեւեկելի հատված:
