News
Լրահոս
News
Երեքշաբթի
Հուլիս 16
USD
476.74
EUR
535.47
RUB
7.6
ME-USD
0.18
Տեսնել լրահոսը

«Սասնա ծռերի» 10 անդամների գործով այսօրվա դատական նիստում հարցաքննվեց 2016թ. հուլիսին ՊՊԾ գնդի տարածքում վիրավորում ստացած և մի քանի օր անց հիվանդանոցում մահացած ոստիկան Գագիկ Մակրտչյանի քույրը՝ գործով վկա Մերի Մկրտչյանը։

Վկան պատմեց, որ դեպքի օրն ինձ զանգահարել է հարսի քույրը և ասել, որ ՊՊԾ գնդի վրա հարձակում է տեղի ունեցել, կրակել են Գագիկի վրա, տարել են վիրահատարան։

«Բոլորս գնացինք «Թիվ 1 համալասարանական հիվանդանոց»։ Սկզբում ասում էին, որ ձեռքից է վիրավորվել, վնասված են լյարդը աղիները, ստոծանին։ Այդ օրերին համացանցում իրարամերժ տեղեկություններ էին տարածվում։ Սկզբում գրում էին, իբր Գագիկը վիրավորվել է ոստիկանի կրակոցից, բայց մենք սպասում էինք, որ Գագիկն արթնանա և պատմի։ Գագիկը մի քանի օրից արթնացավ, տեսնելով նրան՝ առաջինը հարցրել եմ, թե ո՞վ է իր վրա կրակել, արդյոք ոստիկաններն են եղել, ասաց որ ոչ, իր վրա կրակել է «Սասնա ծռերի» անդամներից մեկը, պատմեց, որ երեք հոգով կոտրել են դուռը, մտել են ներս՝ ասել են պառկի, մոտիկից են կրակել։ Նկարագրեց, որ թևը պոկվել՝ կախվել է, ասաց՝ արնաքամ էի լինում, խնդրում էի թողնեին դուրս գամ, չէին թողնում, ասում էին սպասիր։ Ասում էր, ես իրենց խնդում էի, ասում էի թողեք գնամ, երեխաներ ունեմ, նպատակներ, 20–25 րոպեից նոր թողել են դուրս գա»,–պատմեց նա՝ նշելով, որ հետո նրան օգնել են տեղափոխել հիվանդանոց, սակայն թե ով՝ չգիտի։

Մերի Մկրտչյանը պատմեց, որ հիվանդանոցում եղբորը ցույց է տվել Պավլիկ Մանուկյանի և բանդանայով, սուր քթով, ակնոցներով տղամարդու նկար, պարզելու, արդյոք նրանք են եղել եղբոր վրա կրակողները։ Գագիկ Մկրչյանը պատասխանել է, որ նրանք չեն։

Գործով ամբաստանյալ Պավլիկ Մանուկյանը վկայից հետաքրքրվեց, արդյոք Գագիկն այլ վիրավորումներ ևս ստացել էր։ Մերի Մկրտչյանը պատասխանեց, որ եղբայրը նկարագրել է ձեռքից ստացած վիրավորման մասին։

Վկայի խոսքով՝ բժիշկները թույլ չեն տվել Գագիկին տեղաշարժել, այլ հիվանդանոց տեղափոխել, քանի որ նրա վիճակը ծանր է եղել, այնուհետև ըստ Մկրտչյանի պատմածի՝ «Աստղիկ» ԲԿ–ից դիալեզի մասնագետ է եկել և ասել, որ եղբորս որիկամները չեն աշխատում, ինչից հետո ստիպված տեղափոխել են նրան «Աստղիկ» ԲԿ, որտեղ և նա մահացել է։

Ամբաստանյալներից Վարուժան Ավետիսյանը հետաքրքրվեց, թե հնարավո՞ր է հիվանդանոցում գտնվելու ընթացքում Գագիկ Մկրչյանին այցելած լինեն Վալերի Օսիպյանը կամ Վարդան Եղիազարյանը, ինչին ի պատասխան՝ վկան ասաց, որ ոչ։

Հիշեցնենք, որ «Սասնա Ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը, որոնք մեղադրվում են ոստիկանների սպանության մեջ։  7 ամբաստանյալների նկատմամբ ընտրված խափանման միջոց կալանավորումը հեղափոխությունից հետո փոխվել է՝ պատգամավորների անձնական երաշխավորությամբ, իսկ Պավել Մանուկյանն ազատ է արձակվել 1 մլն դրամ գրավի դիմաց։

Տպել
Կարդացեք նաև
Ամբողջը
Արմեն Բիլյանը Փաշինյանին մեղադրում էր Մարտի 1-ի կազմակերպման մեջ, դրա համար է նա կալանքի տակ պահվում. Փոստանջյան
Մենք տեսել ենք, որ գործադիր իշխանությունը կարող է միջամտել դատական իշխանության գործունեությանը...
Զարուհի Փոստանջյանը միջնորդեց կալանքից ազատել «Սասնա ծռեր» խմբի անդամ Արմեն Բիլյանին
Առաջին փուլի՝ նախաքննության համար նախատեսվում է մեկ տարի ողջամիտ ժամկետ, սակայն իմ պաշտպանյալը երեք տարի է գտնվում է կալանքի տակ...
«Սասնա ծռեր» խմբից Մխիթար Ավետիսյանին վիրահատել են. նրա նկատմամբ փորձաքննություն կնշանակվի
Մեղադրող դատախազ Պետրոս Պետրոսյանը, հաշվի առնելով գործի՝ ողջամիտ ժամկետներում քննելու անհրաժեշտությունը, միջնորդեց դատարանին Մխիթար…
Ընթանում է «Սասնա ծռեր» խմբի 10 անդամների գործով դատական նիստը
«Սասնա ծռեր» խմբի 10 անդամների գործով ներկայումս կալանքի տակ են ամբաստանյալներից Արմեն Բիլյանն ու Սմբատ Բարսեղյանը...
Փաշինյանի իշխանության ձեռքին կան Բիլյանին եւ Բարսեղյանին կալանքից ազատելու իրավաչափ հնարավորություններ. «Սասնա ծռեր»
Շատ ցավալի էր, որ Նիկոլ Փաշինյանը ռազմագերի ապստամբներին անհապաղ ազատելու փոխարեն նրանց հանձնեց տասնամյակներ շարունակ ռեժիմի գործիքի վերածված դատաիրավական համակարգի հայեցողությանը...
«Էդ «Ձեզ»–ը պիտի վաստակեք իմ կողմից». Պավել Մանուկյանը 15 ժամով հեռացվեց նիստերի դահլիճից
Պավել Մանուկյանը բարձր տոնայնությամբ, հանդիմանական տոնով վկային հարցեր է ուղղում՝ այդ կերպ ճնշելով նրան...
Ամենաշատ