Թուրքիան շարունակում է հեռանալ ԵՄ-ից, ինչի կապակցությամբ համայնքի կազմում երկրի անդամակցության մասին բանակցությունները փակուղի են մտել: Այս մասին նշվում է Եվրահանձնաժողովի ԵՄ ընդլայնման քաղաքականության մասին զեկույցում, գրում է ՏԱՍՍ-ը:
«Թուրքիան շարունակում է հեռանալ ԵՄ-ից՝ լրջորեն հեռանալով օրենքի գերակայության եւ հիմնական իրավունքների ոլորտից եւ թուլացնելով քաղաքական համակարգում հավասարակշռությունը՝ սահմանադրական փոփոխության ուժի մեջ մտնելու պատճառով», - նշել է ԵՀ-ն՝ ընդգծելով, որ Թուրքիայի անդամակցության մասին բանակցությունները փաստացի փակուղի են մտել: Եվ բանակցային գործընթացի հետագա փուլերը չեն կարող դիտարկվել բացման կամ փակման համար», - ասվում է զեկույցում:
Ընդ որում ԵՀ-ն նշում է, որ Թուրքիան ԵՄ առանցքային գործընկերն է եւ համայնքի կազմի անդամակցության թեկնածու երկիր:
«Երկխոսությունը եւ համագործակցությունը, այդ թվում բարձրագույն մակարդակում, ընդհանուր հետաքրքրություն ներկայացնող հիմնական ոլորտներում շարունակվում են, այդ թվում միգրացիայի եւ փախստականների աջակցության ոլորտում», - հավելել է ԵՀ-ն:
1964 թվականից Եվրամիության ասոցացված անդամ հանդիսացող Թուրքիան 1987 թվականի ապրիլի 14-ին Եվրամիությանը անդամակցելու հայտ է ներկայացրել: ԵՄ-ին անդամակցելու բանակցային գործընթացը սկսվել է 2005 թ. հոկտեմբերի 3-ին: