«Ազատ հայրենիք» կուսակցությունը հանդես է եկել հայտարարությամբ, որով դատապարտել է «Սամվել Բաբայանի գրասենյակ»-ի կողմից «չճշտված եւ չհիմնավորված հայտարարության տարածման փաստը»:
Հայտարարության մեջ ասված է.
«Հարգելի՛ հայրենակիցներ
«Ազատ հայրենիք» կուսակցությունը դատապարտում է ցանկացած չճշտված եւ չհիմնավորված հայտարարության տարածումը, որով հատկապես փորձ է արվում արատավորել մարդու բարի համբավն ու անունը:
Մասնավորապես՝ «Սամվել Բաբայանի գրասենյակ»-ի տարածած այն հայտարարությունը, թե իբր «Ազատ հայրենիք» կուսակցության նախագահ Արայիկ Հարությունյանի կողմից «բանդաներ» են հովանավորվում կամ, ենթադրյալ հանցագործության մասին հաղորդելով, դրանում քաղաքական ենթատեքստ են փնտրում, իրականության հետ որեւէ աղերս չունեն:
Այդպիսի գործելաոճը ոչ միայն չի տեղավորվում մեր կուսակցության՝ համերաշխության եւ միասնականության կոչով հանդես եկող առաջնորդի գործելաոճում եւ սկզբունքներում, այլեւ իրավական պետություն կառուցելու մեր մտածողության եւ պատկերացումների մեջ:
Եթե կենցաղային կամ այլ դրդապատճառներով, իսկապես, տեղի է ունեցել հանցագործություն, մենք եւս հորդորում ենք իրավապահ մարմիններին համարժեք գնահատական տալ եւ մեղավորներին պատժել օրենքի ամբողջ խստությամբ: Իսկ «Սամվել Բաբայանի գրասենյակ»-ին կոչ ենք անում շանտաժի եւ անօրինականության դրդող հայտարարությունների փոխարեն՝ գալ կառուցողական դաշտ եւ բոլոր ելքերը փնտրել միմիայն օրենքի շրջանակներում:
- Սամվել Բաբայանի համակիրների ճանապարհը փակել են եւ կրակահերթ արձակել նրանց ուղղութամբ․ ահազանգ Բաբայանի գրասենյակից
- Ոստիկանությունը՝ Սամվել Բաբայանի համակիրների հետ տեղի ունեցած միջադեպի մասին
