Հայաստանի բնակիչներին զարմացրել է կռոթուկ-թիթեռների զանգվածային միգրացիան։
Սոցցանցերում անգամ սկսել են տարածել զարմացական-մտահոգ գրառումներ։ NEWS.am-ի թղթակիցը դիմել է կենսաբան Կարեն Աղաբաբյաին՝ պարզաբանելու երեւույթը։
«Սա միգրացվող սակավաթիվ տեսակներից մեկն է։ Թիթեռները բազմանում են Հայաստանից ավելի հարավ եւ հետո տեղափոխվում հյուսիս»,- ասել է Կարեն Աղաբաբյանը։ Նրա խոսքով՝ ճշգրիտ հետազոտություններ չեն իրականացվել, բայց ենթադրվում է, որ թիթեռները ճամփորդում են Իրանից դեպի Վրաստան եւ Ռուսաստան։
Նման զանգվածային միգրացիա նկատվում է 3-4 տարին մեկ անգամ։ «Դա բնավ վտանգավոր չէ»,- հավաստիացրել է Կարեն Աղաբաբյանը։