Ֆրանսիայի նախագահ Էմանուել Մակրոնի վարկանիշը Եվրախորհրդարանի ընտրություններից հետո Odoxa կենտրոնի կողմից անցկացված հարցման արդյունքներով 2 տոկոսով նվազել է:
Կենտրոնի տվյալներով՝ հարցվածների միայն 30 տոկոսն է Մակրոնին լավ նախագահ համարում, մինչդեռ 70 տոկոսը չի աջակցում նրա գործունեությանը, ինչը 3 տոկոսով ավելին է, քան անցյալ ամիս:
«Առաջ հանրապետություն» նախագահական կուսակցությունը Ֆրանսիայում անցկացված Եվրախորհրդարանի ընտրությունների արդյունքներով երկրորդ տեղն է զբաղեցրել՝ հավաքելով ձայների 22.41 տոկոսը: Առաջին տեղը զբաղեցրել է Մարին Լը Պենի «Ազգային միավորում» կուսակցությունը:
Հարցումն անցկացվել է առցանց մայիսի 27-ին: Դրան մասնակցել է 18 տարեկանից բարձր 980 մարդ, հաղորդում է «ՌԻԱ Նովոստին»:
