News
Լրահոս
News
Ուրբաթ
Հունվար 21
USD
482.12
EUR
546.68
RUB
6.3
Տեսնել լրահոսը


«ՎԵՏՕ» շարժման բողոքի ակցիան «Բաց հասարակությունների հիմնադրամի» գրասենյակի դիմաց ավարտվեց. ակցիայի մասնակիցներն ասացին, որ իրենց գործողությունները շարունակական են լինելու, եւ, որ սա միայն նախազգուշական ակցիա էր:

Նշվեց, որ այս պահին մեկնում են իրենց շարժման գրասենյակ, որպեսզի անցկացնեն քննարկում հետագա գործողությունների վերաբերյալ: Նշենք, որ «ՎԵՏՕ» շարժման անդամները բողոքի ակցիա էին կազմակերպել «Բաց հասարակությունների հիմնադրամի» գրասենյակի դիմաց, նրանք պահանջում էին, որ արգելվի «Բաց հասարակությունների հիմնադրամի» գործունեությունը:

«Պետք է օրենք մշակվի օտարերկրյա գործակալության ցանցի մասին:  Այս օրենքի մշակման համար դիմել ենք ԱԺ խմբակցություններին: «Իմ քայլը» դեռ չի արձագանքել, «Լուսավոր Հայաստանը» ասել է, որ գրավոր կդիմի, իսկ ԲՀԿ պատգամավոր Նաիրա Զոհրաբյանը խոստացել է հանդիպել եւ քննարկել այս հարցը»,- նշել է հասարակական գործիչ Նարեկ Մալյանը:

Նա ասաց, որ կազմակերպված այս ցույցերի իրավական պատասխանատուն ինքն է.

«Երբ ինձ տանեն բանտ, ես կլռեմ, կնստեմ գիրք կգրեմ: Ըստ էության՝ սա  Հայաստանի Հանրապետության կառավարության շենքն է համարվում: Այստեղից է ստանում հրահանգ մեր կառավարությունը: Ես հայտարարում եմ, որ օտարերկրյա գործակալները տեղ չունեն մեր երկրում: Հասարակությանը սեւերի եւ սպիտակների բաժանելը, հասարակության միջեւ եղած անվստահությունը իրենց շնորհիվ է»,- ասաց Մալյանը:

Հիշեցնենք, որ «Բաց հասարակությունների հիմնադրամի» ղեկավար Լարիսա Մինասյանը հաղորդում էր ներկայացրել ոստիկանություն Նարեկ Մալյանի դեմ՝ նշելով, որ վերջինս պատրաստվում է արգելափակել հիմնադրամի գրասենյակի մուտքը:

Նարեկ Մալյանն իր ֆեյսբուքյան էջում տեղադրել էր Ոստիկանության ծանուցումը, ըստ որի՝ վերջինիս հրավիրում էին Ոստիկանության կենտրոնական բաժին՝ նախապատրաստվող նյութերի անհրաժեշտությունից ելնելով: «Սիրելի ոստիկանության հետաքննիչ Գ. Աջամօղլյան. ցավում եմ, որ չեմ կարող վաղը` 31.05.2019 թ. ներկայանալ ոստիկանության կենտրոնի բաժին, քանի որ վաղը ժամը 12:00-ին ինքնաբուխ պիկետ եմ իրականացնելու Սորոսի գրասենյակի դիմաց: Ես գալու եմ եւ արգելափակելու եմ Սորոսի հիմնադրամի մուտքը, ճիշտ այնպես, ինչպես արգելափակեցին դատարանների մուտքերը»,- հրապարակված լուսանկարին կից գրել էր Նարեկ Մալյանը:

«ՎԵՏՕ» շարժումը նաեւ հայտարարություն է տարածել՝ նշելով, որ իրենց նպատակը Հայաստանը Սորոսի ցանցից մաքրելն է այդ օրակարգից չեն հրաժարվի անգամ եթե Ջորջ Սորոսն անձամբ հաղորդում ներկայացնի ոստիկանություն կամ փորձի իր վարձու գործակալների միջոցով տապալել իրենց ակցիաները:

Հայտարարությունն ամբողջությամբ ներկայանցում ենք ստորեւ.

«ՎԵՏՕ» շարժումը հայտարարում է, որ ծիծաղելի են Սորոսի փողերով սնվող, տարիներ շարունակ ատելություն եւ թշնամանք սերմանող մարդկանց կլյաուզաները, զավեշտալի բողոքները, հաղորդումները եւ մնացած այլ իրենց հարիր կեղտոտ խաղերը:

«ՎԵՏՕ»-ն ունի սեփական գործողությունների օրակարգ, որը չի կարող փոխվել նույնիսկ այն դեպքում, եթե Ջորջ Սորոսն անձամբ հաղորդում ներկայացնի ոստիկանություն կամ փորձի իր վարձու գործակալների միջոցով խափանել մեր ակցիաները:

«ՎԵՏՕ»-ի նպատակն է մաքրել մեր պետությունը երկու կոպեկի համար երկիրը վաճառելու պատրաստ գործակալներից, Սորոսի ցանցից, որն արդեն հարմար տեղավորվել է ԱԺ-ում ու կառավարությունում, եւ այս խնդրի իրագործման ճանապարհին մեզ ոչ Լարիսա Մինասյանի հաղորդումները կարող են կանգնեցնել, ոչ էլ սորոսականների վայնասունները:

Մենք ունենք օրակարգ, որն իրագործելու ենք ճիշտ այնպես, ինչպես պլանավորում ենք: Վերջնագիր երկիրը տվող օտարներին»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Շարունակվում են ահազանգերը, որ Վարչական դատարանի նախագահը խախտումներով է իրականացնում գործերի մակագրությունը. ՄԻՊ
Արդեն լուրջ հարց է առաջ գալիս՝ արդյոք, օրինակ, Վարչական դատարանի կամ Երևանի ընդհանուր իրավասության դատարանի…
«Ժողովուրդ». ՀՅԴ-ն ժողովի է պատրաստվում. Չի բացառվում, որ Իշխան Սաղաթելյանին փոխեն
Ըստ ՀՅԴ-ականների շրջանում քննարկվող տեղեկությունների՝ պետք է նաեւ հստակեցվեն խորհրդարանում իրենց առաջիկա անելիքները...
«Ժողովուրդ». ՊԵԿ պաշտոնյաներին առաջարկել են ՔՊ անդամ դառնալ
«Ժողովուրդ» օրաթերթին տեղեկություններ էին հասել, որ ՊԵԿ տարբեր վարչության ու բաժնի պետերի պաշտոնանկությունների պատճառներից է նաեւ այն...
«Ժողովուրդ». ՔՊ-ական պատգամավորները գինարբուք են կազմակերպել խորհրդարանում
Իրականությունը, բնականաբար, այդ հերքումից չի փոխվում, եւ նրանց հա-հա, հի-հի-ները լսելի էին շատ հեռվից անգամ...
«Ժողովուրդ». Գևորգ Կոստանյանը` Կրեմլում
Ստացվում է՝ Կոստանյանը, չունենալով որեւէ պաշտոն, ունի նույնքան հեղինակություն, որքան ՀՀ գործող գլխավոր դատախազը...
«Հրապարակ»․ Հայկական զորախումբն արդեն վերադարձել է, իսկ նիստի վերաբերյալ մինչ օրս ընդդիմությունը պատասխան չի ստացել
Ընդդիմությունն ակնկալում էր, որ այդ նիստում կներկայացվեն այն փաստական...
Ամենաշատ
Ֆոտոռեպորտաժներ