Ես լեզու գտնելու ընդհանրապես տրամադրություն եւ վարքագիծ չունեմ: Այս մասին, այսօր՝ հունիսի 3-ին, ԱԺ-ում լրագրողների հետ զրույցում նշեց Կենտրոնական բանկի նախագահ Արթուր Ջավադյանը՝ անդրադառնալով հարցին, թե ինչպես է իրեն հաջողվել «լեզու գտնել» նոր իշխանությունների հետ:
«Ինձ թվում է, ես իմ աշխատանքը կատարում եմ շատ նորմալ եւ պրոֆեսիոնալ, եւ ամենակարեւորը՝ ԿԲ աշխատակիցները մեր արտաքին, կարեւորագույն ռեզերվներն են, ու ի շնորհիվ ԿԲ թիմի մենք ապահովել եւ կշարունակենք ապահովել գների եւ ֆինանսական կայունություն:
Ու դա կարեւորագույն գրավականն է: Ես խնդիր չունեմ եւ երբեք չեմ կառչել իմ աշխատատեղին»,- ասաց Ա.Ջավադյանը՝ նկատելով, որ դեռեւս մի տարի ժամկետ ունի մինչեւ պաշտոնավարման ավարտը:
