News
Լրահոս
News
Ուրբաթ
Մարտ 29
Տեսնել լրահոսը

ԵՄ-ն ղարաբաղյան հակամարտության կարգավորման բանակցությունների կողմ չէ, բայց մենք աջակցում ենք ԵԱՀԿ Մինսկի խմբի ջանքերին: Turan գործակալությանը տված բացառիկ հարցազրույցում այս մասին ասել է Հարավային Կովկասում եւ Վրաստանում ճգնաժամի հարցերով ԵՄ  հատուկ ներկայացուցիչ Թոյվո Կլարը, որը այցելել է Բաքու:

«Իմ դերն այդ ջանքերին աջակցելու մեջ է», - նշել է  Կլաարը:

«Նախագահ Իլհամ Ալիեւն ինձ տեղեկացրել է այն մասին, թե ինչպես է  գնահատում ներկայիս իրավիճակը, ինչպիսին են մարտահրավերները, հնարավորությունները: Այս ամսվա վերջ ես մտադիր եմ այցելել Երեւան եւ շարունակել քննարկումները Հայաստանի ղեկավարության հետ», - շարունակել է ԵՄ ներկայացուցիչը:

Արդյոք Ալիեւի հետ հանդիպմանը քննարկվե՞լ է հումանիտար քայլերի իրականացումը, ինչի մասին ավելի վաղ հայտնել էին կողմերը: Պատասխանելով այդ հարցին Թոյվո Կլաարն ասել է, որ այդ թեման շոշափվել է:

«Մենք քննարկել ենք վստահության եւ փոխըմբռնման հաստատման միջոցները: Հուսով եմ, որ Բաքվում եւ Երեւանում հասկանում են այդ գործընթացի կարեւորությունը եւ ես խնդրեցի նախագահին եւ արտգործնախարարին ասել, թե Եվրամիությունը ինչպես կարող է օգնել այս գործընթացին», - ասել է Կլարը:

Պատասխանելով հարցին, թե ինչպես կարող է Եվրամիությունը աջակցել խաղաղ գործընթացին, Բրյուսելի ներկայացուցիչը նշել է, որ երկար տարիներ ԵՄ-ն միջոցներ է հատկացնում քաղաքացիական հասարակությանն աջակցելու, բնակչությանը խաղաղությանը նախապատրաստելու ծրագրերին:

Գաղտնիք չէ, որ Բաքուն չի ողջունում Հայաստանի եւ Ադրբեջանի քաղաքացիական հասարակությունների ներկայացուցիչների մակարդակով շփումները: Ինչպե՞ս է նման դեպքում հնարավոր այդ ուղղությամբ ԵՄ նախագծերի իրականցումը: Այս հարցին Կլաարն ասել է, որ ԵՄ-ն երկու նման նախագիծ ունի եւ դրանցից մեկը՝ Հայաստանի եւ Ադրբեջանի քաղաքացիական հասարակությունների ներկայացուցիչների հանդիպումը,  վերջերս կայացել է Թբիլիսիում:

Բոլորը հասկանում են, որ խաղաղ կարգավորումը անհնար է առանց շփման եւ միմյանց հասկանալու: Ահա թե ինչու  երկրների առաջնորդները պետք է հասկանան,  թե որքան կարեւոր է  դա:

«Ադրբեջանի ղեկավարության հետ այսօրվա հանդիպումներց հետո ինձ մոտ տպավորություն է ստեղծվել, որ նման փոխըմբռնում կա», - ասել է Կլաարը:

Հայաստանում իշխանափոխությունից հետո մեծացել են արդյո՞ք հակամարտության խաղաղ կարգավորման հնարավորությունները: Այս հարցին ԵՄ հատուկ ներկայացուցիչն ասել է, որ Հայաստանի նոր կառավարությունը հավատարիմ է  խաղաղ կարգավորմանը եւ կառուցվածքային երկխոսությանը:

«Այսպիսին է մեր տպավորությունը ՀՀ ԱԳ նախարարի եւ Հայաստանի այլ առաջնորդների հետ պաշտոնական եւ ոչ պաշտոնական հանդիպումների շարքից հետո», - ասել է Կլաարը:

Այդ դեպքում ինչու՞ 30 տարի շարունակ կարգավորման հարցում առաջընթաց չկա, եթե բոլորը կառուցողական են տրամադրված: Ի՞նչ է անհրաժեշտ, որ բեկում տեղի ունենա: Այս հարցերին ԵՄ ներկայացուցիչն ասել է, որ ցանկացած հակամարտության համար կարելի է լուծում գտնել:

«Որպեսզի բեկում տեղի ունենա կողմերը պետք է քաղաքական կամք դրսեւորեն: Դա մի բան է, որը չի կարող նրանց դրսից տրվել», - ասել է դիվանագետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Եվրանեսթ» ԽՎ-ն հորդորել է ԵՄ-ին մշակել կոնկրետ առաջարկներ, թե ինչպես արձագանքել ՀՀ եվրոպական ձգտումներին. պատգամավոր
«Եվրանեսթ» ԽՎ-ի բանաձեւում տեղ են գտել ձեւակերպումներ, որոնք համահունչ են...
Ադրբեջանի պետական ​​անվտանգության ծառայության ղեկավարը խոսել է Հարավային Կովկասում ԵՄ-ի ապակայունացնող դերի մասին
Ըստ ադրբեջանական ԶԼՄ-ների՝ Նագիևն իր հոդվածում նշում է, որ «Ադրբեջանում կայունության և անվտանգության սպառնալիքի վտանգ դեռ կա»...
Հայաստանը դիմումը վերցրած չի գնացել եւ սպասում, որ ԵՄ անդամության թեկնածու դառնա. Ալեն Սիմոնյան
Մենք հիմա քննարկում ենք, հասկանում ենք, ի գիտություն ենք ընդունում այդ...
ԵՄ-ի անդամակցության մասին քննարկում այս փուլում չկա. Չեմ կարծում, որ նման բան կարող է տեղի ունենալ. Ալեն Սիմոնյան
Անշնորհակալ գործ է Ադրբեջանի գործողությունները մեկնաբանելը...
Կշարունակվի ԵՄ ֆինանսավորմամբ «Աջակցություն ՀՀ իրավապահ մարմիններին և անվտանգության բարեփոխումներին» ծրագիրը
Երևանում մարտի 26-ին տեղի ունեցած հանդիպման ժամանակ պայմանավորվածություն է ձեռք բերվել ապահովելու Եվրամիության կողմից...
Ֆրանսիայի դեսպանը ֆրանսիացի պատգամավորների հետ այցելել է Սոթքի ոսկու հանք
Ուրախ էինք Մարտունիում հյուրընկալել Հայաստանում Ֆրանսիայի դեսպան Օլիվիե…
Ամենաշատ