News
Լրահոս
News
Կիրակի
Հուլիս 21
USD
476.48
EUR
535.52
RUB
7.56
ME-USD
0.17
Տեսնել լրահոսը

Ասիական զարգացման բանկի (ԱԶԲ) փոխնախագահ Շիխին Չենը, ԱԶԲ հայաստանյան գրասենյակի տնօրեն Շեյն Ռոզենթալը, բանկի ներկայացուցիչներ ՀՀ տարածքային կառավարման եւ ենթակառուցվածքների նախարարի տեղակալ Բագրատ Բադալյանի եւ «Տրանսպորտային ծրագրերի իրականացման կազմակերպություն»    ՊՈԱԿ-ի ներկայացուցիչների հետ այցելել են Հյուսիս-հարավ ճանապարհային միջանցքի Տրանշ-2 եւ Տրանշ-3։

Բանկի փոխնախագահի գլխավորած պատվիրակությունը նախ եղել է «Ագարակ» պատմամշակութային արգելոցում, որտեղ իրականացված հնագիտական պեղումների արդյունքում հայտնաբերվել են հնագիտական մեծ արժեք ներկայացնող հուշարձաններ։ Դրանց պահպանության նպատակով Տրանշ-2-ի շրջանակներում վերակառուցվող Աշտարակ-Թալին ճանապարհի կմ 29+600 – կմ 37+600 հատվածի համար իրականացվել է ճանապարհի ծրագծի փոփոխություն, եւ կազմվել է նոր նախագիծ, որն անցել է հատուկ համալիր փորձաքննություն:

Տրանշ-2 ծրագրի կառավարման խորհրդատու «Սաֆեժ Էս.Ա. եւ Էպտիսա» ՀՁ-ի հնագիտության մասնագետ Բորիս Գասպարյանը, ներկայացնելով հնավայրը, այնտեղ առկա հուշարձանները, նշել է, որ Հյուսիս-հարավ ճանապարհային միջանցքի կառուցման ընթացքում մեծ ուշադրություն է դարձվում պատմամշակութային արժեքներին եւ դրանց պահպանմանը։ Նա նաեւ ընդգծել է, որ հայտնաբերված «Ագարակ» պատմամշակութային հուշարձանն իր չափորոշիչներով զբոսաշրջային վայր դառնալու ներուժ ունի։ Բորիս Գասպարյանը նաեւ շեշտել է այն փաստը, որ եւ՜ ծրագրի պատվիրատուն՝ ՀՀ կառավարությունը, եւ՜ Ասիական զարգացման բանկը մեծապես կարեւորում են հնագիտական հուշարձանները եւ համագործակցաբար աշխատում են` բացահայտելով ու փրկելով բազմաթիվ արժեքավոր նյութեր։

Ասիական զարգացման բանկի ներկայացուցիչներն այցելել են նաեւ Տրանշ-2-ի այլ հատվածներ, որտեղ եւս մեկ անգամ արձանագրվել է, որ շինարարություն չի իրականացվում, եւ կապալառուն՝ իսպանական «Կորսան Կորվիամ Կոնստրուկսյոն Էս Ա» ընկերությունը, բացակայում է շինհրապարակից։ Նախարարի տեղակալ Բագրատ Բադալյանը տեղեկացրել է, որ կառավարությունն այժմ բանակցություններ է վարում կապալառու իսպանական կազմակերպության հետ՝ ծագած խնդիրներին լուծում տալու համար։ 

Տրանշ-3-ում Ասիական զարգացման բանկի պատվիրակությունը ծանոթացել է չինական «Սինոհիդրո Քորփորեյշն» ընկերության կողմից իրականացվող աշխատանքներին։ Այս պահին կապալառուն հիմնականում կատարում է հողային աշխատանքներ Տրանշ-3-ի տարբեր հատվածներում։ Նախարարի տեղակալը նշել է, որ այստեղ աշխատանքների արդյունավետության բարձրացմանը նպաստել է նաեւ ԱԶԲ տեխնիկական փորձագետի ներգրավումը, որը, համագործակցելով կապալառուի եւ շինարարության տեխնիկական վերահսկողությունն իրականացնող կազմակերպության հետ, որոշ հարցերի լուծման ուղղությամբ աջակցել է իր առաջարկներով։ Նշվել է, որ Տրանշ-3-ում կապալառուն մտադիր է հնարավորինս շուտ ավարտել հողային աշխատանքները եւ անցնել պատվածքի շերտերի տեղադրմանը։

Բագրատ Բադալյանը բանկի պատվիրակությանը ներկայացրել է նաեւ Վանաձոր-Ալավերդի-Վրաստանի սահման (Մ6) միջպետական ավտոճանապարհի` ԱԶԲ ֆինանսավորմամբ իրականացվող ճանապարհաշինության ընթացքը, ինչպես նաեւ անդրադարձել է Հյուսիս-հարավ ճանապարհային միջանցքի հարավային հատվածի (Տրանշ-4) շինարարության ծրագրերին։

Տպել
Կարդացեք նաև
Ամբողջը
Մեկնարկել են Երեւան-Սեւան-Իջեւան-հայ-ադրբեջանական սահման ճանապարհի միջին նորոգման աշխատանքները
Պատճառվող անհարմարության համար հայցում ենք վարորդների ներողամտությունը եւ հորդորում ենք պահպանել երթեւեկության կանոնները...
Հայաստանի տարբեր մարզերում մեկնարկել է ավտոճանապարհների նորոգումը
Անվտանգ եթեւեկություն ապահովելու նպատակով նշված ճանապարհահատվածը կահավորվել է համապատասխան ճանապարհային նշաներով...
Մեկնարկել են Երեւան-Սեւան-Իջեւան- Ադրբեջանի սահման ճանապարհի առանձին հատվածների նորոգման աշխատանքները
Անվտանգ երթեւեկություն ապահովելու նպատակով՝ նշված նորոգման տեղամասերը կահավորվել են համապատասխան ճանապարհային նշաններով...
Սիս համայնքի ճանապարհի ասֆալտապատումը մեկնարկեց. Սուրեն Պապիկյան
Ավելի վաղ վարչապետը Սիս համայնքի բնակիչներին խոստացել էր վերանորոգել տեղի ավտոճանապարհը...
Առաջին գերարագ երկաթուղին գործարկվել է Հայկոուում
Հայկոուում գործարկվել է առաջին գերարագ երկաթուղին...
Քննարկվել են «Հյուսիս-Հարավ» ավտոճանապարհային միջանցքի շինարարության ընթացքին առնչվող հարցեր
Կողմերը մտքեր են փոխանակել Եվրասիական կայունացման ու զարգացման հիմնադրամի կողմից ենթակառուցվածքների բարելավման եւ էներգետիկ ոլորտներում ֆինանսավորվող ծրագրերի շուրջ․․․
Ամենաշատ