Մահացու ջերմաստիճանի 20 օր, ավերիչ էկոհամակարգեր, միլիարդավոր հարկադիր տեղահանվածներ: Սրանք այն հավանական սցենարներն են, որոնք կարող են սպասվել 2050 թվականին, եթե միջոցներ չձեռնարկվեն կլիմայի փոփոխության զսպման համար:
Այսպիսի եզրակացության են եկել Մելբուրնում կլիմայի վերականգնման Ազգային կենտրոնի զեկույցի հեղինակները, հաղորդում է CNN-ը:
Կենտրոնի պատրաստած փաստաթուղթը ոչ թե գիտական հետազոտություն է, այլ գոյություն ունեցող հետազոտությունների հիման վրա հնարավոր սցենարների մոդելավորում: Այն նկարագրում է սարսափելի ապագան, որում միլիարդավոր մարդիկ ստիպված կլինեն լքել իրենց բնակավայրերը, իսկ աշխարհի ամենախիտ բնակեցված քաղաքները մասնակիորեն լքված կմնան:
Պաշտոնաթող ծովակալ եւ Ավստրալիայի պաշտպանության ուժերի նախկին ղեկավար Քրիս Բարրին գրում է, որ «միջուկային պատերազմից հետո գլոբալ տաքացումն ամենամեծ սպառնալիքն է մարդկության համար»:
Զեկույցի համաձայն՝ ապագան պոտենցիալ գլոբալ աղետներից մեկն է:
Հեղինակներ Դեւիդ Սպրատտն ու Իեն Դանլոպը նախազգուշացնում են, որ կլիմայի փոփոխությունն այժմ սպառնալիք է մարդկային քաղաքակրթության համար:
Նրանք հիմնվում են գիտական հետազոտության վրա եւ կանխատեսում, որ եթե գլոբալ ջերմաստիճանը 2050 թվականին հասնի 3 աստիճանի ըստ Ցելսիուսի, ապա աշխարհի բնակչությանը 55%-ը 20 օր մահացու ջերմաստիճան կվերապրի:
Իսկ օրինակ Արեւմտյան Աֆրիկայում, Հարավային Ամերիկայում, Մերձավոր Արեւելքում եւ Հարավ-Արեւելյան Ասիայում մարդիկ ստիպած կլինեն լքել իրենց բնակավայրերը: Իսկ սննդի արտադրությունը կընկնի չափազանց շոգ եղանակի եւ ջրի պակասի պատճառով: Հեղինակները պնդում են, որ ապրանքների պակասի դեպքում գները կաճեն:
Ծովի մակարդակի բարձրացումը մարդկանց կստիպի լքել Մումբայը, Ջակարտան, Գուանչժոուն, Հոնկոնգը, Հոշիմինը, Շանհայը, Բանգկոկն ու Մանիլան:
