Վերջին տարվա ընթացքում Հատուկ պահպանվող տարածքների աշխատողների աշխատավարձը միջինում 40 տոկոսով բարձրացել է, որոշ տեղերում՝ կրկնակի: Հունիսի 5-ին մամուլի ասուլիսին այս մասին տեղեկացրեց Բնապահպանության նախարար Էրիկ Գրիգորյանը:
Նրա խոսքով՝ նախարարությունը մտադիր է փոխհատուցման աշխատանքի սկզբունից անցնել կանխարգելման սկզբունքին:
«Փոխհատուցման սկզբունքը նշանակում էր, որ շրջակա միջավայրի աղտոտման դեպքում գումար էր վճարվում լրացուցիչ բնական ռեսուրսի օգտագործման համար: Այսօր մենք կիրառում ենք կանխարգելման սկզբունքը: Դա նշանակում է, որ աղտոտվածության նշված քանակի գերազանցում չի կարելի թույլատրել», - ասաց նա:
