News
Լրահոս
News
Երեքշաբթի
Հուլիս 16
USD
476.68
EUR
537.65
RUB
7.61
ME-USD
0.18
Տեսնել լրահոսը

ԱՄՆ նախագահ Դոնալդ Թրամփը բրիտանացի պաշտոնյաներին վստահեցրել է, որ չի ձգտում Իրանի հետ ռազմական առճակատման, այլ ցանկանում է ուղիղ բանակցություններ սկսել Թեհրանի հետ: 

Ինչպես գրում է Guardian-ը, չնայած վստահեցումներին՝ բրիտանացի պաշտոնյաները շարունակում են նյարդայնանալ:

Ամերիկացի պաշտոնյաները վստահեցրել են, որ Թրամփը չի ցանկանում պատերազմել Իրանի հետ, նրանք նաեւ պնդել են, որ տարածաշրջան հավելյալ զորք եւ ավիակիր ուղարկելը զսպող գործոն է:

Մեծ Բրիտանիան, սակայն, Իրանի հարցում տարաձայնություններ ունի Վաշինգտոնի հետ: Մեծ Բրիտանիայում կարծում են, որ ԱՄՆ-ի տնտեսական ճնշման քաղաքականությունը վնաս է հասցնում Իրանին եւ երկիրը տանում է սնանկության ուղղությամբ: Պաշտոնական անձինք նաեւ հայտարարել են, որ Իրանի արտաքին գործերի նախարար Ջավադ Զարիֆը մանդատ ունի որոշակի պայմաններով բանակցությունների համար:

Թեհրանի հետագա գործողությունները, հավանաբար, կհանգեցնեն ՄԱԳԱՏԷ-ի այն հայտարարությանը, որ Իրանը չի պահպանում համաձայնագիրը, ինչը ուժգնացնում է լարվածությունը:

Իրանը հույս ունի, որ Ճապոնայի վարչապետ Սինձո Աբեն Թեհրան այցի ընթացքում ուղերձ կհղի ԱՄՆ-ին, որում կներկայացնի բանակցությունների պայմանները:

Իրանի արտաքին գործերի փոխնախարար Աբբաս Արագչին այս շաբաթ ողջունել էր Ճապոնիայի միջնորդությունը՝ ասելով, որ Ճապոնիայի վարչապետի այցը Թեհրան կարող է թուլացնել տարածաշրջանային լարվածությունը:

Աբեն կհանդիպի նաեւ Իրանի հոգեւոր առաջնորդ Սեյեդ Ալի Համենեիի հետ: Նա վարչապետ ընտրվելուց հետո 6 անգամ հանդիպել է Իրանի նախագահ Հասան Ռոհանիի հետ, եւ Ճապոնիան չի աջակցել Թրամփի՝ Երուսաղեմն Իսրայելի մայրաքաղաք ճանաչելու որոշումը:

Այս շաբաթ ԱՄՆ պետքարտուղար Մայք Պոմպեոն հայտարարել էր, որ Վաշինգտոնը պատրաստ է բանակցել առանց նախապայմանների, սակայն Թեհրանը կպնդի, որպեսզի ԱՄՆ-ը չեղարկի որոշ պատժամիջոցներ եւ ԱՄՆ-ում ձերբակալված մի շարք քաղբանտարկյալների ազատ արձակի: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Միջուկային զենքը Իրանի պաշտպանական հայեցակարգի մասը չէ
ԱԷՄԳ-ն հաստատել է Թեհրանի հայտարարությունն այն մասին, որ Իրանը չի ձգտում միջուկային զենք ստանալ…
Թրամփի վարչակազմը ցանկանում է Իրանի հետ համաձայնագրի հասնել, որը կստանա Սենատի հավանությունը. Բրայան Հուկ
Դա գործարք կլինի, որն ավելին է, քան ուղղակի քաղաքական պարտավորությունը…
Մեծ Բրիտանիան ձգտում է սրել Իրանի հետ հարաբերությունները. Զարիֆ
Իրանին ուղղած Մեծ Բրիտանիայի մեղադրանքները հիմնազուրկ են…
Իրանի մշտական ներկայացուցիչն ասել է, որ ԱԷՄԳ նիստը ԱՄՆ-ին անհրաժեշտ արդյունքներ չի բերել
ԱՄՆ-ը ցանկալի արդյունքների չի հասել...
ԱՄՆ-ը հայտարարել է, որ Իրանի կողմից միջուկային գործարքի խախտումը «շորթման փորձ» է
«Իրանը հիմքեր չունի իր միջուկային ծրագրի ընդլայնման համար...
Իրանը կրճատում է պարտավորությունները միջուկային գործարքի շրջանակում. Ռոհանի
Թեհրանը գործում է միջուկային համաձայնագրի շրջանակում...
Ամենաշատ