Երեքշաբթի երեկոյան Կալիֆոռնիայի նահանգը ենթարկվել է զատիկների արշավանքի, տեղեկացնում է Los Angeles Times թերթը՝ հղում կատարելով Ազգային օդերեւութաբանական ծառայությանը (NWS)։

Ինչպես տեղեկացրել է Սան Դիեգոյի NWS-ի օդերեւութաբան Ջո Դանդրեան (Joe Dandrea), Սան Դիեգոյում ռադարը գրանցել է երկնքում զատիկների կուտակում 80 x 80 մղոն (49,7 կիլոմետր) տարածության վրա։ Բայց միջատների կուտակումը ընդմիջված էր։ Ամենամեծ կուտակումն ընդգրկում էր 10 մղոն (6,2 կիլոմետր) տարածք լայնակի։ Միջատները թռչում 1,5-3 կիլոմետր բարձրության վրա։

Ինչպես գրում է պարբերականը՝ հղում կատարելով Կալիֆոռնիայի համալսարանի վնասատուների դեմ համալիր պայքարի ծրագրին, նահանգում ապրում է զատիկների մոտ 200 տեսակ։ Ներկա պահին հայտնի չէ, թե որ տեսակն է առաջացրել այս երեւույթը, տեղեկացնում է ՌԻԱ «Նովոստի»-ն։