Հյուսիսատլանտյան դաշինքը մտադիր է 250 մլն դոլար ներդնել Լեհաստանի կենտրոնական մասում Վելիկոպոլյան վոեվոդության Պովիձ տեղանքում գտնվող ռազմակայանի ընդլայնման համար։ Այս մասին հինգշաբթի Լեհական հեռուստատեսության եթերում ասել է Լեհաստանի նախագահի մամուլի քարտուղար Բլաժեյ Սպիխալսկին։
«Մենք խոսում ենք 250 մլն դոլարի մասին, որոնք կներդրվեն Պովիձի ընդլայնման համար, թիկունքի ընդլայնման համար, որտեղ կարող է գտնվել ՆԱՏՕ սարքավորում»,- ասել է նա՝ ընդգծելով, որ «դա կլինի ՆԱՏՕ ներդրումը, ՆԱՏՕ բյուջեի միջոցների ներդրումը»։
Ներկայում Լեհաստանում տեղակայված է ՆԱՏՕ բազմազգ գումարտակ մոտ հազար զինծառայողով, ինչպես նաեւ փոխատեղման հիմքով ամերիկյան տանկային բրիգադ մոտ 3,5 հազար աձնակազմով, տեղեկացնում է ՏԱՍՍ-ը։
