Հայաստան-ԵՄ Բարձրագույն քաղաքական մարմնի Գործընկերության հարցերով խորհրդի երկրորդ նիստը տեղի կունենա հաջորդ շաբաթ: Այս մասին հունիսի 6-ին Եվրոպական ինտեգրացիայի խորհրդարանական մշտական հանձնաժողովի նիստում 2018 թվականի պետական բյուջեի կատարողականի քննարկման ժամանակ ասաց ԱԳ նախարար Զոհրաբ Մնացականյանը:
Նա նաեւ հույս հայտնեց, որ հունիսի 13-ին անցկացվող նիստի ժամանակ կհաստատվի Հայաստան-ԵՄ «ճանապարհային քարտեզը»: ««Ճանապարհային քարտեզը» հաստատվել է Հայաստանի վարչապետի որոշմամբ: Մենք նախատեսում ենք, որ հունիսի 13-ին, երբ տեղի կունենա երկրորդ նիստը, այս փաստաթուղթը կարժանանա վերջնական հաստատման, եւ «ճանապարհային քարտեզը» կդառնա Հայաստանի եւ ԵՄ համատեղ սեփականությունը»,- ասաց Մնացականյանը:
