2019 թվականին ԵՄ-ն Հայաստանին կհատկացնի 65 մլն եվրոյի օգնություն: Այս մասին հունիսի 6-ին Եվրոպական ինտեգրացիայի խորհրդարանական մշտական հանձնաժողովի նիստում 2018 թվականի պետական բյուջեի կատարողականի քննարկման ժամանակ ասաց ԱԳ նախարար Զոհրաբ Մնացականյանը:
Նրա խոսքով՝ 2019 թվականին ԵՄ-ի կողմից աջակցությունը գնահատվում է 40 մլն եվրո: «Նախատեսված է նաեւ 25 մլն եվրոյի լրացուցիչ ֆոնդ: Այլ խոսքով՝ մեզ ԵՄ-ի կողմից կհատկացվի 65 մլն եվրոյի ֆինանսական աջակցություն»,- պարզաբանեց Մնացականյանը:
Նա հավելեց, որ 2019 թվականին ԵՄ-ի ցուցաբերած օգնության ծավալը կմեծանա:
