«Հայբիզնեսբանկը» երեխաների պաշտպանության միջազգային օրվա կապակցությամբ կազմակերպել է իր աշխատակիցների երեխաների այցելությունը Բանկի գլխամասային գրասենյակ, որի շրջանակներում հանդես եկավ ՙՄիասին նկարենք հուսալի ապագա՚ ակցիայով:
Տոնական ակցիայի շրջանակներում հունիսի 1-ից մինչեւ ս.թ. սեպտեմբերի 1-ը Բանկում ՙՄԱՆԿԻԿ՚ ավանդ ներդրած յուրաքանչյուր հաճախորդին կտրամադրվի ՙՌԵՍՈ Ընտանիք՚ ապահովագրական փաթեթ, ինչպես նաեւ նվեր քարտեր՝ ավանդատուի եւ ավանդի շահառու երեխայի անունով:
Միջոցառման ընթացքում երեխաների համար կազմակերպվել էին տարատեսակ հետաքրքիր շոուներ, խաղեր, հյուրասիրություն:
Երեխաները մասնակցեցին նաեւ անչափ հետաքրքիր՝ ՙԱպագան իմ աչքերով՚ խորագիրը կրող նկարչական մրցույթին, որի ընթացքում հրավիրված մասնագետի օգնությամբ նկարեցին նկարներ: Փոքրիկ նկարիչների բոլոր կտավներից էլեկտրոնային մրցույթի շնորհիվ ընտրվելու է լավագույն նկարը, որով էլ Բանկը հետագայում կձեւավորի իր կողմից ներկայացվող ՙՄԱՆԿԻԿ՚ քարտի դիզայնը:
Նշենք նաեւ, որ տոնական ակցիայի շրջանակներում Բանկի տասը ամենաակտիվ ավանդատու-քարտապանները, ովքեր նվեր քարտով կիրականացնեն առավելագույն գումարով անկանխիկ գործարքներ, կստանան CashBack` 100,000 դրամ գումարի չափով:
Բանկը շնորհավորում է բոլոր երեխաներին գեղեցիկ տոնի կապակցությամբ՝ ցանկանալով նրանց անհոգ, խաղաղ մանկություն եւ լուսավոր ապագա:
ՀԱՅԲԻԶՆԵՍԲԱՆԿ, ապագայի հուսալի ճանապարհ: