Ալաբամայի նահանգապետին ներկայացրել են օրինագիծ, որով «քիմիական ամորձատումը» պարտադիր պայման կդառնա որոշ հանցագործների պայմանական վաղաժամ ազատ արձակման համար:
Նման միջոցը պետք է կանգնեցնի սեքսուալ բռնավորներին եւ մանկապիղծներին հանցագործությունների կատարումից, հաղորդում է Americaru-ն:
Օրինագծի համաձայն 13 տարեկանից ցածր երեխաների նկատմամբ սեքսուալ անարգանքի համար դատապարտված ցանկացած հանցագործ, ստիպված կլինի պայմանական վաղաժամ ազատ արձակումից առաջ տեստոստերոնի ինգիբիտորներով մեկ ամիս թերապիա անցնել: Ընդ որում բռնավորների մեծ մասը պետք է սեփական գրպանից վճարի թերապիայի համար:
Մինչ այդ փորձագետները զգուշացնում են, որ քիմիական ամորձատումը այն չէ, ինչ թվում է: Այն ժամանակավոր ազդեցություն ունի տղամարդկանց վերարտադրողականության համար եւ չի երաշխավորում սեքսուալ ցանկության վերացումը: Եվ ընդհանուր առմամբ նման միջոցների ազդեցությունը վատ է ուսումնասիրված, այնպես որ անհնար է կանխատեսել թերապիայի հաջողությունը: