Հարկային մուտքերի հաշվառման մեթոդիկայի տեսակետից 2018-ը հեղափոխական էր։ Այս մասին 2018-ի պետական բյուջեի կատարողականի քննարկման ժամանակ խորհրդարանի Տնտեսական հարցերի եւ Ֆինանսավարկային եւ բյուջետային հարցերի հանձնաժողովների համատեղ նիստում հունիսի 7-ին ասել է Պետական եկամուտների կոմիտեի ղեկավար Դավիթ Անանյանը։

Նա նշել է, որ 2018 թվականի հունվարի 1-ից ուժի մեջ է մտել Հարկային օրենսգիրքը, եւ նրա հետ միասին մտցվել է միասնական գանձապետական հաշվի գաղափարը։ Այս առնչությամբ 2018-ի հունվարի 1-ից  հարկային մուտքեր են համարվելու բյուջետային միջոցները, որոնք ամրացված են հարկային պատասխանատվության վարչարարական ակտով, որն առաջ չկար։ Անանյանը նշել է, որ 2018-ի ծրագրային ինդեքսը ծրագրվել է 1 տրլն 248, 5 մլրդ դրամի մակարդակով, այն դեպքում, երբ կառավարության որոշմամբ այդ ցուցանիշը կազմել է 1 տրլն 261 մլրդ դրամ։ Նա նաեւ տեղեկացրել է, որ 2018-ին բյուջեի կատարողականը ՊԵԿ մասով կազմել է 99,7 տոկոս։