News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Իրանի արտաքին գործերի նախարարությունը մերժել է նոր բանակցությունների առաջարկը, որն արվել էր նախօրեին ԱՄՆ եւ Ֆրանսիայի նախագահների հանդիպման ընթացքում, ընդգծելով, որ 2015-ի միջուկային գործարքի հետ կապ չունեցող հարցերը չեն օգնի պահպանել համաձայնագիրը, տեղեկացնում է Tasnim-ը։

ԱԳՆ պաշտոնական ներկայացուցիչ Աբաս Մուսավին հերքել է ԱՄՆ նախագահ Դոնալդ Թրամփի եւ նրա ֆրանսիացի պաշտոնակցի՝ Էմանուել Մակրոնի Ֆրանսիայում հանդիպման ժամանակ արված հակաիրանական արտահայտությունները՝ ասելով, որ Թրամփի ծեծված եւ տարօրինակ հայտարարությունները մեկնաբանության արժանի չեն։

«Չնայած մի շարք ելույթներին եւ քաղաքական հայտարարություններին՝ եվրոպական կողմերը մինչեւ հիմա չեն կատարել միջուկային համաձայնագրի իրենց պարտավորությունները։ Մենք չկարողացանք շահ ստանալ այդ բազմակողմ համաձայնագրից»,- նշել է նա՝ ավելացնելով, որ այդ հանգամանքներում Ֆրանսիան, նոր թեմաներ առաջադրելով, ոչ միայն որեւէ օգնություն չի ցուցաբերում, այլեւ հետագա անվստահության ճանապարհ է հարթում համաձայնագրի մնացած կողմերի միջեւ։

Նախօրեին Մակրոնն ասել էր, որ Փարիզը եւ Վաշինգտոնը մեկ նպատակ ունեն Իրանի հանդեպ՝ խանգարել նրան ստանալ միջուկային զենք, իջեցնել Իրանի բալիստիկ ակտիվությունը, զսպել Իրանի տարածաշրջանային ակտիվությունը եւ խաղաղություն հաստատել տարածաշրջանում։ «Մնացած բոլոր վեճերը վերաբերում են տեխնիկական հարցերին»,- ասել է Ֆրանսիայի նախագահը՝ կոչ անելով նոր բանակցություններ սկսել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դեսպան. միջուկային գործարքը շանսեր չի ունենա, եթե ԱՄՆ-ը պահանջի երկարաձգել Իրանի դեմ զենքի էմբարգոն
Իրանը կվերականգնի վնասված համալիրը Նաթանզի ատոմակայանում
«Վերականգնման որոշման մասին տեղեկացվել է պատկան մարմիններին: Այն ավելի մեծ կդառնա, եւ այնտեղ ավելի ժամանակակից սարքավորումներ կհայտնվեն․․․
Նեթանյահուն հայտարարել է, որ Իրանը մոլորության մեջ է գցում աշխարհին, որպեսզի ստեղծի միջուկային զենք
Այսօր անգամ ՄԱԳԱՏԷ-ն՝ Ատոմային էներգիայի միջազգային գործակալությունը, գիտակցում է դա…
ՄԱԳԱՏԷ-ն Իրանում երկու միջուկային օբյեկտների ստուգում պահանջող բանաձեւ է ընդունել
Իրանը հայտարարում է, որ այդպիսի բանաձեւը հիմնված է իսրայելական ռեժիմի հակաիրանական մեղադրանքների վրա եւ ծառայում է ամերիկյան նպատակներին...
Իրանի ԱԳՆ-ը սպառնացել է ԱԷՄԳ-ի ոչ կառուցողական որոշումների դեպքում պատասխան գործողություններ ձեռնարկել
ԵՄ. ԱՄՆ-ը չի կարող օգտագործել իրանական միջուկային համաձայնագրում իր նախկին անդամակցությունը