Հունիսի 6-ին, ժամը 22.00-ին, ոստիկանություն է զանգահարել մի ՍՊԸ հաշվապահ եւ հայտնել, որ միկրոավտոբուսի սրահում պայուսակից գողացել են դրամապանակը, որի մեջ եղել է բանկային քարտ եւ 73 հազար դրամ:
Ոստիկանությունից NEWS.am-ին հայտնում են, որ Էրեբունու քրեական հետախույզներն ու համայնքային ոստիկանները, իրացնելով օպերատիվ տվյալները, գողություն կատարելու կասկածանքով կայարանամերձ հրապարակից բերման են ենթարկել Կապանի բնակիչ, 31-ամյա մի տղամարդու եւ մայրաքաղաքի Դավիթաշեն թաղամասի բնակիչ, 20-ամյա մի երիտասարդի: Պարզվել է, որ գողությունը կատարել է դավիթաշենցին, որը տվել է խոստովանական բացատրություն:
Գողոնը հայտնաբերված է: Նախապատրաստվում են նյութեր: