Լոնդոնյան ավտոբուսի մեջ դեռահասների խումբը ծեծել է լեսբի զույգին, որոնք հրաժարվել են նրանց պահանջով համբուրվել, հայտնում է The Guardian-ը:
Երիտասարդների խումբը հարձակվել է 28-ամյա Մելանյա Գեյմոնաթի եւ նրա 29-ամյա ընկերուհի Քրիսի վրա այն բանից հետո, երբ նրանք հրապարակայնորեն հայտարարել են, որ մտադիր չեն թաքցնել իրենց սեռական կողմնորոշումը:
Դրանից բացի, դեռահասները գողացել են կանանց հեռախոսը եւ պայուսակը: Ծեծված զույգի լուսանկարը համացանցում է հայտնվել մայիսի 30-ին, սակայն այդ մասին հայտնի է դարձել միայն հիմա:
Լեսբի զույգը պնդում է, որ իրենք հարձակման են ենթարկվել ոչ թե միայն կողմնորոշման համար, այլ նաեւ իրենց սեռական պատկանելության հիմքով:
Կանանց վրա հարձակումը հարուցել է ինչպես հանրության, այնպես էլ քաղաքական գործիչների վրդովմունքը: Մեծ Բրիտանիայի վարչապետ Թերեզա Մեյը կոչ է արել միավորվել՝ դադարեցնելու համար ԼԳԲՏ հանրույթի նկատմամբ բռնությունը: