Գերմանիայում Ketter Kunst աճուրդի տանը Վասիլի Կանդինսկու նկարը վաճառվել է երկրի համար ռեկորդային 2.5 մլն եվրոյով, հաղորդում է «ՌԻԱ Նովոստին»:
«Վասիլի Կանդինսկու Treppe zu Schloss («Ամրոցի սանդուղք») 1908 թվականի փայլուն նկարը նրա վաղ ստեղծագործական կյանքի հիանալի օրինակ է... 1916 թվականի սեպտեմբերից աշխատանքը հասանելի չէր հանրության համար», - ասվում է աճուրդի տան մամուլի հաղորդագրությունում:
Նկարում նկարիչը պատկերել է Բավարիայի Մուռնա համայնքի ամրոցը:
Ի սկզբանե յուղաներկով նկարը գնահատվել է 1.5 մլն եվրո: Bild տաբլոիդի տեղեկություններով ընդամենը 5 րոպեում գինը բարձրացել է մեկ միլիոն եւ վաճառվել 2.5 մլն եվրոյով:
