Հնդկական Գոա նահանգում գտնվող Դաբոլիմ միջազգային օդանավակայանը մի քանի ժամով կասեցրել է թռիչքների ընդունումն ու ճանապարհումը ՄիԳ-29Կ կործանիչի հետ տեղի ունեցած միջադեպից հետո, հաղորդում է «ՌԻԱ Նովոստին»՝ վկայակոչելով հանրապետության ռազմածովային ուժերի մամուլի ծառայությանը:
«Գոա նահանգում օդանավակայանը մի քանի ժամով դադարեցրել է աշխատանքն այն բանից հետո, երբ թռիչքի ժամանակ ՄիԳ-29Կ կործանիչը վառելիքի բաքն առանձնացել է:
Ներկայումս ձեռնարկվում են բոլոր միջոցները թռիչքների արագ վերականգնման համար:
Կործանիչի օդաչուին վտանգ չի սպառնում», - ասվում է ռազմածովային ուժերի հաղորդագրությունում:
Հաղորդագրությանը կցված լուսանկարներում երեւում է, թե ինչպես են թռիչքուղու վերեւում սեւ ծխի խիտ ամպեր բարձրանում:
Միջադեպի այլ մանրամասներ չեն ներկայացվում:
