Սիերա Լեոնեում ցնցված են 5-ամյա աղջկա բռնաբարության փաստով, որը ստացված տրավմաների հեեւտանքով պարալիզացվել էր:
Ինչպես գրում է AP-ը, սկզբում ոչ ոք չէր հասկանում, թե ինչու 5-ամյա աղջիկն այլեւս չէր կարողանում շարժել ոտքերը կամ վերահսկել միզարտադրությունը: Որոշ մարդիկ համարում էին, որ դա կախարդանքի հետեւանք է, սակայն իրական պատճառն ավելի սարսափելի էր. երեխան ենթարկվել էր դաժան բռնաբարության:
Այդ դեպքն առաջ էր բերել երեխաների նկատմամբ սեռական բռնության խնդիրը որպես առաջնահերթություն Սիերա Լեոնեում:
Փետրվարին նախագահ Յուլիուս Մադա Բիոն հայտարարել էր սեռական բռնությունը որպես արտակարգ իրավիճակ եւ խոստացել օգնել հնգամյա երեխային բուժվել արտասահմանում:
Սակայն ամիսներ անց պարզ դարձավ, թե որքան բարդ է պայքարել սեռական բռնության դեմ. նրա հայրը դեմ էր, որ բռնաբարությունը դիտարկվի դատարանում: Դատի օրը նշանակված չէ, անգամ դատախազը չի ընտրվել:
Սիերա Լեոնեի առաջին տիկինն ակտիվորեն քարոզում էր աղջիկների իրավունքները եւ լսել էր այդ դեպքի մասին:
5-ամյա աղջկա բռնաբարության մեջ մեղադրվող տղամարդը նրա հորեղբայրն էր. նա շարունակում է գտնվել բանտում:
Կանանց կենտրոնում, որտեղ գտնվում է երեխան, պարզել են, որ բռնաբարության պահին աղջիկը 4 տարեկան էր:
Բռնաբարությունից 1 տարի անց 5 տարեկան երեխան դեռեւս չի կարողանում քայլել եւ տեղաշարժվում է անվասայլակով բժշկական կենտրոնում: