News
Լրահոս
News
Ուրբաթ
Մարտ 29
Տեսնել լրահոսը


Աբովյանում հաղթել է ժողովրդավարությունը։ Այսօր՝ հունիսի 10-ին, լրագրողների հետ զրույցում ՀՀ վարչապետ Նիկոլ Փաշինյանը այսպես մեկնաբանեց Աբովյանում հունիսի 9-ին տեղի ունեցած ընտրություններն ու «Քաղաքացիական պայմանագիր» կուսակցության սատարած թեկնածուի պարտությունը։

«Աբովյանում տեղի են ունեցել ընտրություններ եւ հաղթել է ժողովրդավարությունը, դա ամենակարեւորն է, իսկ ինչ վերաբերում է ՔՊ–ի թեկնածուի պարտությանը, մենք հեղափոխությունը հենց դրա համար էլ արել ենք,  որ տեղ–տեղ իշխանության թեկնածուները հաղթեն, տեղ–տեղ իշխանության թեկնածուները պարտվեն։ Եթե հիշում եք՝ հեղափոխությունից առաջ ամենաառաջնային կարգախոսը ՀՀԿ–ի մենաշնորհի վերացման անհրաժեշտությունն էր, որի մասին խոսում էին բոլոր քաղաքական ուժերը։ ՀՀ–ն եւս մեկ անգամ արձանագրեց, որ ժողովրդավարական երկիր է, որտեղ քաղաքացիներն իրավունք ունեն կատարել իրենց ընտրությունը եւ իշխանությունը ոչ մի ապօրինի ռեսուրս չի կիրառում իր թեկնածուի հաղթանակին հասնելու համար»։

Փաշինյանը համաձայն չէ, որ քրեական գործերի հարուցում Աբովյանի քաղաքապետին ճնշելու համար էր. «Այդ քրեական գործերի վերաբերյալ հաղորդագրություններ պիտի որ լինեն, պետք է բովանդակությունն իմանաք եւ համոզված լինեք, որ որեւէ կապ մեկը մյուսի հետ չունի»։

Հարցին՝ Աբովյանում ՔՊ–ի թեկնածուի պարտությունը իշխանությա՞ն վարկանիշի վրա ազդեց, Փաշինյանը հիշեց, որ մոտ մեկ տարի առաջ՝ հեղափոխությունից 2 ամիս հետո իրենց թեկնածուն պարտվեց Կապանում, ապա հավելեց, որ պետք չէ ներկա իրողությունները «հին արշինով չափել»։ «Անկախ նրանից ընտրություններում կհաղթի իշխանության թեկնածուն թե ոչ, հաղթում է հեղափոխությունը եւ հաղթում է ժողովուրդը»,–հավելեց նա։

Հիշեցնենք, որ հունիսի 9-ին Աբովյանում տեղի ունեցած ընտրություններում նախնական տվյալներով հաղթել է գործող քաղաքապետ Վահանգ Գեւորգյանը։ Առաջադրված 5 թեկնածուներից Վահագն Գեւորգյանն ստացել է 8453 ձայն, իսկ նրա հիմնական մրցակից՝ «Քաղաքացիական պայմանագրի» թեկնածու Գրիգոր Գուլյանը՝ 8058 քվե: Երրորդ տեղում Սասուն Գրիգորյանն է, ով ստացել է ընդամենը 731 ձայն: 4-րդ տեղում Մանուկ Մկրտչյանն է (435 ձայն) եւ 5-րդ տեղում՝ Արթուր Ղազարյանը (139 ձայն): Անվավել է եղել 360 թվեաթերթիկ:

!
Այս նյութը հասանելի է նաև   English
Տպել
Կարդացեք նաև
Ամբողջը
Իմ անունից տարածվում են կեղծ տեղեկություններ. Լեւոն Քոչարյան
Այս ամենի նպատակը մարդկանց մոլորեցնելն է: Խնդրում եմ եղեք ուշադիր եւ հետեւեք իմ պաշտոնական էջերին...
«Հրապարակ». Ոսկեպարցիներն անհամբեր սպասում են
Երեկ փորձեցինք վարչապետի խոսնակից տեղեկանալ՝ նախատեսվո՞ւմ է արդյոք Տավուշ այց, ինչպեսեւ խոստացել...
«Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք
Այս հիմնադրամին ամեն տարի ՀՀ կառավարության որոշմամբ պարբերաբար փոխանցվել են միլիոնավոր դոլարներ...
«Հրապարակ». Իշխան Սաղաթելյանի հոր նկատմամբ դատախազությունը հարուցել է քրեական հետապնդում
Ակնհայտ է, որ ընտանիքիս անդամներին հետապնդելով՝ փորձում են ինձ վրա ճնշում բանեցնել, որը չի ստացվի, սա ո՛չ...
«Իրավունք». Նիկոլ Փաշինյանի նյարդերը տեղի են տվել
Հրահանգել է, որ պարտադիր հանդիպումներ ունենան արցախահայերի հետ ու համոզեն, որ սուս նստելու դեպքում...
«Հրապարակ». Դիանա Գալոյանը նոր պաշտոն կստանա՞
Խոսքը, մասնավորապես, «Ամբերդ» հետազոտական կենտրոնի մասին է, որի ղեկավարը ներկայում Դավիթ...
Ամենաշատ