ԵՏՄ-ն Հայաստանի շնորհիվ հնարավորություն է ստացել արագացնելու իր արտաքին տնտեսական բաղադրիչի զարգացումը: Հունիսի 10-ին «ԵՏՄ-ում Հայաստանի նախագահության տարի. մարտահրավերներ եւ հնարավորություններ» թեմայով խորհրդարանական լսումների ժամանակ այս մասին ասաց ԱԳ նախարար Զոհրաբ Մնացականյանը:
Նրա խոսքով՝ Հայաստանի եւ Իրանի միջեւ տնտեսական եւ քաղաքական կապերը պայմաններ եւ հնարավորություններ են ստեղծել Մերձավոր Արեւելքում Միության շահերի առաջմղման համար, որի հետեւանքով 2018 թվականի մայիսի 17-ին Աստանայում մի կողմից ԵՏՄ անդամ երկրների եւ մյուս կողմից Իրանի միջեւ Ազատ առեւտրի գոտու մասին համաձայնագիր է ստորագրվել: Այն թույլ կտա նվազեցնել կամ ընդհանրապես չեղարկել շատ ապրանքների ներմուծման մաքսատուրքերը, ինչն իր հերթին զգալիորեն կնպաստի առեւտրի աճին: