News
Լրահոս
News
Ուրբաթ
Օգոստոս 19
USD
405.79
EUR
412.81
RUB
6.83
Տեսնել լրահոսը

ՀՀ քննչական կոմիտեի ՀԿԳ քննության գլխավոր վարչության մարդկանց թրաֆիքինգի եւ թմրամիջոցների ապօրինի շրջանառության հանցագործությունների քննության վարչությունում քննվող քրեական գործով կատարված քննչական գործողությունների արդյունքում պարզվել են ամուսինների կողմից երկու եւ ավելի անձանց թրաֆիքինգի ենթարկելու դեպքերի հանգամանքները. վերջիններիս մեղադրանք է առաջադրվել:

ՀՀ Քննչական կոմիտեից NEWS.am-ին հայտնում են, որ 2019թ. մայիսի 15-ին Երեւանի չափահաս բնակիչը ՀՀ ոստիկանության ԿՀԴՊ գլխավոր վարչությունում հաղորդում է ներկայացրել այն մասին, որ 2018 թվականից ամուսիններն իրեն առաջարկել են Երեւան քաղաքի Աբովյան փողոցում վաճառել անձեռոցիկներ, ինչից հետո, բռնություն գործադրելով եւ դա գործադրելու սպառնալիքով, վերցրել են այդ կերպ վաստակած ողջ գումարը եւ նույն եղանակով հարկադրել են մինչ 2019թ. մայիս ամիսն զբաղվել այդ աշխատանքով:

Դեպքի առթիվ հարուցվել է քրեական գործ՝ ՀՀ քրեական օրենսգրքի 132-րդ հոդվածի 2-րդ մասի 1-ին եւ 2-րդ կետերի հատկանիշներով, որով նախաքննությունն իրականացվում է ՀՀ ՔԿ ՀԿԳ քննության գլխավոր վարչության մարդկանց թրաֆիքինգի եւ թմրամիջոցների ապօրինի շրջանառության հանցագործությունների քննության վարչության վարույթում:

ՀՀ ոստիկանության ԿՀԴՊ ԳՎ աշխատակիցների հետ համատեղ մեծածավալ քննչական գործողությունների եւ օպերատիվ-հետախուզական միջոցառումների արդյունքում պարզվել են դեպքերի հանգամանքները, ենթադրյալ հանցագործություններ կատարած անձանց ինքնությունը:

Նախաքննությամբ մասնավորապես պարզվել է, որ ամուսինները՝  ծնված 1976 եւ 1970թթ., Երեւան քաղաքի երեք, այդ թվում՝ մուրացկանությամբ զբաղվող՝ Երեւան քաղաքի երկու բնակիչների վիճակի խոցելիությունն օգտագործելով, ինչպես նաեւ՝ վերջիններիս առողջության համար ոչ վտանգավոր բռնություն գործադրելով եւ այդպիսի սպառնալիքներով նրանց ենթարկել են թրաֆիքինգի. նրանց ներգրավել են հարկադիր աշխատանքի մեջ, կազմակերպել նրանց կողմից անձեռոցիկների մանրածախ առեւտուրն ու մուրացկանությունը եւ վերցրել այդ կերպ «վաստակած» գումարները: 

Ձեռք բերված բավարար ապացույցների հիման վրա՝ 43-ամյա տղամարդուն եւ 49-ամյա կնոջը մեղադրանք է առաջադրվել՝ ՀՀ քրեական օրենսգրքի 132-րդ հոդվածի 2-րդ մասի 1-ին եւ 2-րդ կետերով` վիճակի խոցելիությունն օգտագործելով, ինչպես նաեւ առողջության համար ոչ վտանգավոր բռնություն գործադրելով եւ այդպիսի սպառնալիքներով երկու եւ ավելի անձանց թրաֆիքինգի՝ շահագործման ենթարկելու դեպքերի համար: Ամուսինների նկատմամբ որպես խափանման միջոց է կիրառվել կալանավորումը:

Նախաքննությունը շարունակվում է:

Տպել
Կարդացեք նաև
Ամբողջը
Մարտաֆիլմ հիշեցնող կրակոցներ՝ Էջմիածնում. կա 1 զոհ, 1 վիրավոր. shamshyan.com
Ոստիկանները նշված վայրում հայտնաբերել են մի քանի…
Աշտարակում հայրն ու երկու որդիները ծեծի են ենթարկել նախկին ոստիկանին, վերջինս էլ կրակոցներ է արձակել
Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ
Ֆրանսիայում ձերբակալել են մի տղամարդու, որը մի ձեռքում պահում էր հոր կտրած գլուխը, մյուսում՝ դանակը
Սարսափելի դեպքը տեղի է ունեցել, երբ ոստիկանությունը հանգստյան օրերին հայտնաբերել է հոր դին ավտոկայանատեղիում․․․
Իսրայելում ձերբակալել են փողերի լվացման միջազգային գործով երեք կասկածյալի
Իսրայելի իշխանությունները երեք կասկածյալի են ձերբակալել՝ Ֆրանսիայի գանձարանի դեմ «լայնածավալ խարդախության» եւ կրիպտոարժույթների միջոցով միլիոնավոր եվրոների գողության ու լվացման գործով հետաքննության շրջանակներում․․․
Բերման է ենթարկվել Սալման Ռուշդին դանակահարողը
Բերման է ենթարկվել հնդկական ծագմամբ բրիտանացի գրող Սալման Ռուշդիի վրա հարձակվողը: Ռուշդին դանակով առնվազն երկու հարված է ստացել՝ պարանոցի եւ որովայնի շրջանում...
Բրիտանացի հայտնի գրող Սալման Ռուշդիին դանակահարել են պարանոցի հատվածում
Հարձակվողը ձերբակալված է...
Ֆոտոռեպորտաժներ