Honda Mean Mower V2 խոտհնձիչը Գինեսի գրքի նոր ռեկորդ է սահմանել տեղից ժամում մինչեւ 100 մղոն (161 կմ/ժամ) զարգացնելու ցուցանիշով: Դրեզդենից ոչ հեռու Dekra Lausitzring ավտոարշավարանում ավտոարշավորդ Ջեսիկա Հոքինսը կարողացել է ցույց տալ միջինը 6,29 վայրկյան ժամանակ, հայտնում է «Մոտորը»:
Honda Mean Mower էքստրեմալ խոտհնձիչի երկրորդ տարբերակը կառուցվել է անհատական նախագծով պողպատե անիվների վրա՝ Honda HF 2622 մինի տրակտորի թափքով: Ստանդարտ շարժիչի փոխարեն այն ունի լիտրային շարքային «քառյակ» CBR1000RR Fireblade SP-ից՝ րոպեում 13 000 պտույտով ապահովելով 203 ձիաուժ հզորություն: Շրջանակի եւ շարժիչի ծավալը 69,1 կգ է:
2014 թվականին Mean Mower առաջին տարբերակը մտել էր Գինեսի ռեկորդների գրքի մեջ որպես աշխարհում ամենաարագ խոտհնձիչը: Իսպանիայի Տարագոնի IDIADA պոլիգոնում լրագրող Փիրս Վորդը դրանով զարգացրել էր ժամում մինչեւ 187,6 կմ արագություն:
