Պակիստանի իրավապահները ձերբակալել են երկրի նախկին նախագահ եւ Ազգային կուսակցության ղեկավար Ասիֆ Ալի Զարդարիին, ում կասկածում են կեղծ բանկային հաշիվների օգտագործման մեջ, հաղորդում է ՌԻԱ Նովոստի-ն՝ Geo TV-ի վրա հղումով:
Ավելի վաղ դատարանը չեղարկել էր Զարդարիի եւ նրա քրոջ բողոքարկումը, որոնք խնդրել էին երկարաձգել գրավի ժամկետը, որը գործի ֆիգուրանտին թույլ է տալիս մնալ ազատության մեջ:
Օպերացիային մեծ թվով ոստիկաններ են մասնակցել, որոնք շրջափակել են Իսլամաբադում Զարդարիի տունը: Նշվում է, որ քաղաքական գործիչը հնարավորություն ունի վիճարկել Գերագույն դատարանում իր կալանքի օրդերը:
Զարդարին զբաղեցնում էր Պակիստանի նախագահի պաշտոնը 2008-2013 թթ.: Նա ամուսնացած էր Բենազիր Բխուտտոյի հետ (2 անգամ ընտրվել է երկրի վարչապետի պաշտոնում), որը զոհվեց 2007 թվականին մահապարտ ահաբեկչի հարձակման հետեւանքով:
