Իսրայելում ԱՄՆ դեսպանի մեկնաբանությունը վկայում է այն մասին, որ ԱՄՆ-ը ցանկանում է օգնել Իսրայելին օկուպացված Արեւմտյան ափի մի մասի անեքսիայի հարցում: Այս մասին հայտարարել է Պաղեստինի արտաքին գործերի նախարար Ռյադ ալ-Մալիկին, հաղորդում է Reuters-ը:
«Միջազգային հանրությունը պետք է արձագանքի եւ պատասխանի այդ հայտարարությանը»,- ասել է նա:
Ավելի վաղ Իսրայելում ԱՄՆ դեսպան Դեւիդ Ֆրիդմանը հայտարարել էր, որ Իսրայելն իրավունք ունի միացնել օկուպացված Արեւմտյան ափի գոնե մի մասը:
Ապրիլին Իսրայելի վարչապետ Բենյամին Նեթանյահուն հայտարարել էր, որ մտադիր է օկուպացված տարածքներում գտնվող հրեական բնակավայրերն անեքսիայի ենթարկել:
