News
Լրահոս
News
Հինգշաբթի
Օգոստոս 18
USD
405.96
EUR
412.94
RUB
6.7
Տեսնել լրահոսը

Պոլսո հայոց պատրիարքական փոխանորդ, արք. Արամ Աթեշյանը այցելել է օրեր առաջ ազգայնականների կողմից հարձակման ենթարկված Արփինեին։

Ինչպես տեղեկացնում է Ստամբուլի հայկական «Ժամանակ» թերթը,  արքեպիսկոպոս Աթեշյանը այցի ժամանակ իր հայրական զորակցությունն է հայտնել Արփինեին եւ ամուսնուն՝ Սարգսին։

Արք. Աթեշյանը շեշտել է, որ Պատրիարքարանը հետամուտ է հարձակման հեղինակներին հայտնաբերելու գործին՝ մինչեւ որ հանցագործները կալանավորվեն եւ պատժվեն։

Արք. Աթեշյանը նաեւ աղոթել է Արփինեի համար, որպեսզի նա արագ հաղթահարի այս սթրեսը։

Արփինեն եւ Սարգիսը հայտնել են նաեւ, որ որոշել են՝ մոտ օրերս վերադառնալու են Հայաստան։

Նշենք, որ օրեր առաջ Ստամբուլի Սամաթյա թաղամասում տան մուտքի մոտ դիմակավորված անձիք դանակահարել են Հայաստանից Ստամբուլ տեղափոխված Արփինեին։  Հարեւանների ահազանգով Արփինեին արագ հիվանդանոց են հասցրել եւ օգնություն ցուցաբերել։

Հանցագործները հեռանալուց առաջ ասել են, թե սա դեռ սկիզբն է։

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ