News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.07
Տեսնել լրահոսը

«Դարի գործարքը», որի միջոցով ԱՄՆ նախագահ Դոնալդ Թրամփը հույս ունի կարգավորել իսրայելա-պաղեստինյան հակամարտությունը, խաբեություն է սկզբից մինչեւ վերջ: ՄԱԿ-ի գլխավոր քարտուղարը գործարքը «մահացած» է անվանել, իսկ որոշները կարծում են, որ այն «կենդանի» է, գրում է Դեւիդ Գարդները Financial Times ամսագրում:

Թրամփի փեսա եւ խորհրդական Ջարեդ Քուշների մշակած ծրագիրը պետք է ներկայացվի Բահրեյնում «Խաղաղություն բարգավաճման համար» սեմինարի ընթացքում: Հեղինակը գրում է, որ Սաուդյան Արաբիայից եւ Արաբական Միացյալ Էմիրությունների միլիարդավոր դոլարներ պետք է տրամադրվել պաղեստինցիներին եւ նրանց արաբ հարեւաններին՝ առանց քաղաքական որեւէ որոշման, որը վերջ կդնի իսրայելական օկուպացիային:

Պաղեստինցիները, Գարդների խոսքով, «խայծը կուլ չեն տա»: Պաղեստինի նախագահ Մահմուդ Աբասը բոյկոտել է բանակցություններն այն պահից, երբ Թրամփը որոշեց ԱՄՆ դեսպանատունը Թել Ավիվից Իսրայել տեղափոխել՝ այն ճանաչելով Իսրայելի մայրաքաղաք:

Այդ պահից ի վեր Թրամփի վարչակազմը կրճատեց Պաղեստինի օգնությունը, փակեց Վաշինգտոնում ՄԱԿ-ի պատվիրակությունն ու դադարեցրեց պաղեստինցիների օգնությամբ տրամադրման՝ ՄԱԿ-ի գործակալության ֆինանսավորումը: Թրամփը նաեւ ճանաչեց Իսրայելի ինքնիշխանությունը Գոլանի բարձունքների նկատմամբ:

Եթե նման ծրագիր կա, ապա այն ներկայացնում է միայն Իսրայելի ցանկությունների ցուցակը:

Այդ գործարքը չի համոզել ԱՄՆ-ում Իսրայելի նույնիսկ ամենաուժեղ կողմնակիցներին: ԱՄՆ պետքարտուղար Մայք Պոմպեոն ավելի վաղ ասել էր.

«Ես հասկանում եմ, թե ինչու են մարդիկ կարծում, որ դա կլինի գործարք, որը կարող է դուր գալ միայն իսրայելցիներին»:

Մերձարեւելյան քաղաքականության վաշինգտոնյան ինստիտուտի տնօրեն, Իսրայելի համոզիչ կողմնակից Ռոբերտ Սատլոֆն էլ կարծում է, որ ծրագիրը միամտություն է.

«Ի տարբերություն անշարժ գույքի գործարքի, որում մի կողմը սեփականություն է ստանում, մյուսը՝ գումար, մերձարեւելյան խաղաղ համաձայնագիրը սկսվում է ավարտվում է նրանով, որ երկու կողմերը հարեւաններ են»:

Միեւնույն ժամանակ, Իսրայելում ԱՄՆ դեսպան Դեւիդ Ֆրիդմանը հայտարարել է, որ իսրայելցիների կողմից Արեւմտյան ափի մի մասի անեքսիան նորմալ է: «Մենք պետք է հասկանանք, թե ինչ հողերի մասին է խոսքը, ինչ պայմանների եւ ինչու է դա լավ տարածաշրջանի համար»,- ասել է նա:

«Այդ առաջարկը ծիծաղելի կլիներ, եթե հետեւանքներն այդքան լուրջ չլինեին: Այդ գործարքը սկզբից մինչեւ վերջ խաբեություն է»,- եզրակացնում է հեղինակը: 

!
Այս նյութը հասանելի է նաև   Русский
Տպել