Մելբուռնը կընդգրկվի երեք քաղաքների թվում, որտեղ ամերիկյան Uber ընկերությունը օդային տաքսու ծառայություն կգործարկի, հաղորդում է ABC-ն:
ABC-ն նշում է, որ Մելբուռնում Uber Air-ի միջոցով կոմերցիոն փոխադրումները նախատեսված են 2023-ին: Առաջին փորձնական թռիչքները կարող են սկսվել արդեն հաջորդ տարի:
«Ավստրալիայի կառավարությունը որոշել է առաջադեմ մոտենալ քարշերինգին եւ ապագայի տրանսպորտային տեխնոլոգիաներին», -ասել է Սյուզան Անդերսոնը՝ Ավստրալիայում Uber-ի տարածաշրջանային մենեջերը:
Նրա խոսքով՝ նման մոտեցումը հաշվի առնելով Մելբուռնի աշխարհագրական դիրքը եւ մի շարք ժողովրդագրական գործոններ, այն կատարյալ քաղաք է դարձնում Uber Air ծառայության գործարկման համար:
Uber-ը ավտոմոբիլային փոխադրումների հայտնի առցանց ծառայություն է, այն թույլ է տալիս բջջային հավելվածի միջոցով օգտվել մասնավոր մեքենաների վարորդների ծառայություններից:
