News
Լրահոս
News
Ուրբաթ
Մարտ 29
Տեսնել լրահոսը

Ռուսաստանի Սամարայի մարզում հանցագործները հաշվեհարդար են կատարել ադրբեջանցու նկատմամբ, իսկ մարմինն այրել:

«63. Սամարա-Օնլայն» պարբերականը հայտնում է, որ հունիսի 9-ի գիշերը Սամարայի մարզի Պոխվիստնեւոյից ոչ հեռու անտառատնկման տարածքում «ԳԱԶել» է այրվել: Կրակը մարելուց հետո հրշեջները մեքենայի մեջ երիտասարդ ադրբեջանցու մարմին են հայտնաբերել: Սկզբում մտածել են, թե նա կրակի հետեւանքով է մահացել: Սակայն դատաբժշկական փորձաքննությունը պարզել է, որ 29-ամյա ադրբեջանցուն նախ սպանել են, հետո փորձել են այրել: Հիմա իրավապահները քննում են քրեական միջադեպը: Այս պահին հայտնի ամեն ինչի մասին պարբերականին պատմել է սպանված Էլմիր Ա.-ի հարազատ եղբայրը՝ Աֆսունը: Նրա խոսքով՝ եղբոր հետ գործերով գնացել էին Պոխվիստնեւո:

Գործերն ավարտելով՝ Էլմիրը եղբորն ասել է՝ դու վերադարձիր, իսկ ես մի փոքր կուշանամ: Այդ պահից նրա հետ կապ հաստատել չի հաջողվել, ասել է Աֆսունը: Ավելի ուշ սպանվածի հեռախոսի մեջ աղջկա հետ նամակագրություն են հայտնաբերել: Եղբայրն ասում է, որ նրա անունից ուղարկված հաղորդագրություններով Էլմիրին գրավել տարել են քաղաքի ծայրում գտնվող տուն: Ազգականները կարծում են, որ նրան այնտեղ դանակով մի քանի անգամ հարվածել են: Այս վնասվածքների հետեւանքով նա մահացել է:

«Մեզ հայտնի չէ, թե ով է այս Կատյան, նրանց ինչ հարաբերություններ էին կապում՝ ընկերական, թե գործնական: Այդ օրը մենք առաջին անգամ լսեցինք այդ աղջկա մասին: Հիմա որոշ պարբերականներ գրում են՝ իբր, եղբայրս կապ է ունեցել ամուսնացած տիկնոջ հետ, եւ նրա նկատմամբ հաշվեհարդար է կատարել զայրացած ամուսինը: Դա ճիշտ չէ: Այդ աղջիկն ամուսնացած չի: Տղան, որը կապ ունի հանցագործության հետ, ամուսինը չէ, այլ նրան սիրահետողը»,- հստակեցրել է Աֆսունը:

Նրա խոսքով՝ Էլմիրի դեռեւս տաք մարմինը փաթաթել են գորգի մեջ եւ բեռնել իր իսկ «ԳԱԶել»: «Դա 2008 թվականի արտադրության մեքենա էր, որով նա աշխատում էր: Բեռներ էին տեղափոխում: Իսկ այստեղ նրան են որպես բեռ թափքի մեջ դրել: Սպանությունը տեղի է ունեցել Պոխվիստնեւոյի ծայրամասի տանը, նրան ամբողջ քաղաքով տարել են հակառակ ծայրը, «ԳԱԶել»-ը քշել են անտառատնկարան: Հանել են դին, նստեցրել վարորդի տեղում: Ցանկանում էին ամեն ինչ այնպես ներկայացնել՝ իբր ինքն է այրել: Հանցագործը բենզին է լցրել բենզաբաքից, լցրել է խցիկի մեջ եւ հատակին ու այն այրել է: Երբ հրշեջներին տեսել է, թաքնվել է»,- ասել է Աֆսունը:

Սպանվածի ազգականները մտավախություն ունեն, որ Էլմիրի մահվան մեջ մեղավորները կխուսափեն պատասխանատվությունից: Էլմիրն ուներ կին եւ տարեց ծնողներ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրանսիայում ձերբակալվել է 2 կասկածյալ՝ լիցեյները պայթեցնելու սպառնալիքների համար
2005 և 2007 թվականներին ծնված երկու եղբայրները հինգշաբթի ...
Պարզվել է 20-ամյա հղի կնոջ մահվան պատճառը. մեղադրանք է ներկայացվել ԲԿ-ի երեք բժշկի. նախաքննությունը շարունակվում է
ՀՀ քննչական կոմիտեի Լոռու մարզային քննչական վարչությունում քննվող քրեական...
ՄԻԵԴ-ը նախնական ընդունել է Արթուր Դանիելյանի ու Արմեն Աշոտյանի գործերով գանգատները. փաստաբան
Այդ գործերն են՝ Արթուր Դանիելյանի գանգատը՝ Ալեն Սիմոնյանին ապօրինաբար քրեական պատասխանատվությունից ազատելու վերաբերյալ...
Ադրբեջանում Իրանի քաղաքացին լրտեսության մեղադրանքով է 12 տարվա ազատազրկման դատապարտվել
Պետական ​​անվտանգության ծառայության կողմից անցկացված հետաքննության ընթացքում պարզվել է, որ Գաեդի Մոհամմադ Նաջաֆը լրտեսությամբ է զբաղվել Ադրբեջանի տարածքում...
Գեղարքունիքում հայրը կասկածվում է անչափահաս դստերը ծեծելու և սեռական հարաբերություն ունենալ փորձի մեջ
Մարտի 23-ին, արտառոց դեպք է տեղի ունեցել Գեղարքունիքի մարզում…
Կոլորադոյի նահանգում կործանվել է  AH-64E Apache ուղղաթիռը
Զորավարժությունների ժամանակ ամերիկյան հարվածային ուղղաթիռ է կործանվել...
Ամենաշատ